MUV̄ENULIO 20:2 - Ha`bari Ndjema ya I Maore

² Isiki ishinyama ɓole mufano wa vwayi, inyoha ya ãswili ilio ɗe Iɓilisa amma Shetwani, aitratria muda wa maha alifu.

MUV̄ENULIO 20:2 ပူးပေါင်းရင်းမြစ်များ

MATIYO 19:29

Na mutru yotsi itsokao amba alishi ha siɓaɓu ya lidzina langu nyumba, wananyahe watruɓaɓa na watrumama, ɓaɓahe, mayahe, [mushe wahe], wana wahe, au mazamba, atsopara ata mara miya, atsopara na uhayati mukamilifu wa daima.

MATIYO 8:29

Ɓas, waandrisa ulatsa keme na urongoa: «Usuritsaha na trini, wawe Mwana wa Mungu? Uja v̄anu uritrese kaɓula raha wakati kawapara?»

MARKUSI 4:15

Ɓaãdhwi ya watru uka mauri ɗe wakati yamaela yapulihao ndziani. Uyakia yawo, Shetwani uja, uwatolea urongozi ule waka watrilwawo.

MARKUSI 5:7

amwesa ashelemedza ha ji lendza nguvu: «Usunitsaha na trini Insa, Mwana wa Mungu Monyewe Uju rahana Uju? Nilav̄iye na Mungu amba kutsonitresa!»

YUHANI 12:31

Av̄asa ɗe uwakati wa ihukuma ya lidunia lini; av̄asa umutawalizi wa lidunia lini atsolatswa v̄ondze.

YUHANI 16:11

na yahusu ihukuma, ɗe iv̄o umutawalizi wa lidunia lini ahukumulwa.

MAROMU 16:20

Mungu av̄ao amani, tsi hale atsomuangamidza Shetwani maharoju hanyu. iNeema ya Raɓi watru Insa naike v̄umoja na wanyu.

MAHEƁRANIYA 2:14

Ɓasi ha iv̄o wana wanu walio mwili na damu, waye wajau afanyiha mauri wao, arenge fuvu hari mwa ihali yawo ya shiuɓinadamu, ile ha ufa wahe, aangamidze uwo aliona ushindzi wa ufa, ne ɗe Iɓilisa,

1 MONYE 5:8

Namukane zifikira zanyu, tsena muke hashiri. iÃduwi yanyu Iɓilisa asuzingidza mauri simba ingurumao, izunguhao mutru amuɗye.

2 MONYE 2:4

Mana neka Mungu kapukamanisa zimalayika zaka zaãswi, ɓadi aziv̄eleha hari mwa umoro, azipulisa moni na ishidza ya uzimu, v̄ulio amba zifungwa ha ulindrilia hukuma yazo;

YUDA 1:6

ziMalayika kazaka zaɓaki hari mwa idaradja yazo, ɓadi zalawa hazo, asuzilisha ha daima hari mwa silisili moni na ishidza ha ulindrilia iSuku Ɓole ya Hukuma.

MUV̄ENULIO 12:13

Wakati ishinyama ɓole yaona amba ivutswa shiv̄andreju mwa tsi, iɗungu mutrumushe ule adza mwana mutruɓaɓa.

MUV̄ENULIO 12:15

iNyoha itowo maji mauri muro hanyoni mengoni ha umutrumushe, ile av̄ingwe ha umuro.

MUV̄ENULIO 12:17

Ɓasi v̄ale ishinyama ɓole ile ihadhaɓiha kinyume na umutrumushe, ilawa yawane kinyume na zilembwe zasalia zahe, wale wasika ãmuri za Mungu na uv̄inga ushahidi wa Insa.

MUV̄ENULIO 12:3

Ɓasi v̄uv̄enuha kudura yangina mbinguni: shinyama ɓole mufano wa vwayi yendza range ndzukundru yaiva. Ikana zitswa saɓa na nyonga kumi, na hari mwa zitswa zayo, kemba saɓa.

MUV̄ENULIO 12:4

uMushia wayo wakogogora lifungu la raru la zinyora za mbinguni, na uwo uzivutsu shiv̄andreju mwa tsi. Shinyama ile ihimi mbeli za mutrumushe ule akwendra adze, ile iɗye mwana wahe amohisodza.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MUV̄ENULIO 13:2

iShinyama mbovu naiona, ika mufano wa pahavuɓa. yiMindru yayo yika mauri mindru ya shinyama nyeha yangina, na ihanyo mauri hanyo ya simba. iShinyama ɓole ile mufano wa vwayi iv̄a shinyama mbovu ile yalawa ɓaharini ushindzi wayo, ishiri ya ufalume yayo, na yezi ɓole.

MUV̄ENULIO 13:4

Watru waãɓudu ishinyama mufano wa vwayi ɓole ile mana ika iv̄a yezi shinyama mbovu ile. Watru waãɓudu ishinyama mbovu ile ha urongoa: «Mbani ɗe alio mufano wa ishinyama ini, ashindrao awane kinyume na wiyo?»

MUV̄ENULIO 20:10

Na Iɓilisa akowadanganya ne avutswa moni na lidzaha la moro na vu la shidzaha, v̄ahanu ishinyama mbovu na umushukidziwa-marongozi wa trambo walio. Watsotreswa uku na mutsana ha daima.

MUV̄ENULIO 20:7

yiMaha alifu ukoma yayo, Shetwani atsojeledzewa shiv̄ani hahe.

MUV̄ENULIO 9:11

Wana mufalume awatawaliao, ne ɗe imalayika ya Uzimu, ilio amba lidzina layo Shiheɓraniya|Muheɓraniya Aɓadoni, na Shigiriki lidzina Apoliyoni.