MUV̄ENULIO 20:12 - Ha`bari Ndjema ya I Maore

¹² Tsiono tsena uwafu, rangu waɓole ata watiti waka wahimi mbeli na ishiri ya ufalume. V̄uɓulwa zio, na shio yangina iɓulwa, ilio ɗe ishio ya uhayati. uWafu wahukumulwa ha uɗunga izo zaka zaangihwa moni na zizio ulawana na zitrendro zawo.

MUV̄ENULIO 20:12 ပူးပေါင်းရင်းမြစ်များ

MATIYO 11:22

Iyo ɗe imana nimuambiaoni amba isuku ya hukuma, mahukuma ya Tiro na Sidoni yatsostahamilishiha rahana yanyu!

MATIYO 16:27

Mana uMwana wa Mwanadamu|Mwana wa Mwanadamu atsoja hari mwa utukufu wa Ɓaɓahe v̄umoja na zimalayika zahe; wakati uwo, atsoliv̄a kula mutru ulawana na zitrendro zahe.

LUKASI 10:20

Wala musufurahi amba madjini yasumutuĩni, ɓadi namufurahi amba madzina yanyu yaangihwa pev̄oni.»

MAV̄INGIZI-RISALA 24:15

Amwesa tsina tama ha Mungu, mauri ɗe wao wajau, amba v̄utsoka muregezeo hayi wa uwema, na uwayi.

MAROMU 2:6

amba aliv̄e kula mutru ulingana na zitrendro zahe:

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

2 MAKORINTIYO 5:10

Mana piyasi, ilazimu riv̄ire hari mwa mahakama ya Kristi, ile kula mutru apare zamulazimu ulawana na izo azifanya wakati aka hari mwa umwili, neka ndjema, au mbovu.

MAFILIPI 4:3

Na wawe wajau munyangu muaminifu, nisuhumia usaidi wananyatru watruwashe wao walio amba wawania iIndjili v̄umoja na wami, na v̄umoja na Klementusu na washangirizi wangu wasalia, walio amba madzina yawo ya moni na ishio ya uhayati.

MUV̄ENULIO 11:18

ziNishani zingia hasera, ɓadi hadhaɓu yaho ija. Wakati wa uhukumu uwafu uja, na uv̄a thawaɓu warumishi waho, yimitrume, uwatwaharifu, v̄umoja na wao wariao lidzina laho, uwatiti na uwaɓole, na uangamidza wao waangamidzao ishiv̄andre ya tsi.»

MUV̄ENULIO 13:8

Na piya wakazi wa shiv̄andreju mwa tsi watsoiãɓudu, wao walio amba madzina yawo kayaangihwa rangu uumuumbio wa lidunia hari mwa ishio ya uhayati ya uMwana Ɓariɓari aka atsindzwa.

MUV̄ENULIO 17:8

iShinyama mbovu ile waiona ika, ɓadi kaisi tsena. Isuja iheye ulawa Uzimu, amwesa yendre yaangamiye. uWakazi wa ishiv̄andre ya tsi yamadzina kayaka yaangihwa hari mwa ishio ya uhayati rangu uumuumbio wa lidunia, watsoshanga uona yawo ishinyama mbovu, mana ika, kaisi tsena, amwesa itsorudi ike.

MUV̄ENULIO 19:5

Amwesa v̄ulawa ji shiriju mwa ufalume v̄ale, lakorongoa: «Namumusifu Mungu watru, piya wanyu warumishi wahe, wanyu mumuriao, watiti na uwaɓole!»

MUV̄ENULIO 2:23

Nitsoangamidza wana wahe ha uwaula. Na piya ziDjama Ndziwaminifu zitsojua amba wami ɗe nitsungiyao zifikira na ziroho, tsena nitsov̄a kula moja hari mwanyu ulawana na zitrendro zahe.

MUV̄ENULIO 20:11

Amwesa tsiono shiri ya ufalume ɓole amwesa ndjeu, na uMonyewe aka aiketsia. iShiv̄andre ya tsi na uwingu zizimiha mbeli zahe, wala kav̄waparihana tsena ɓandza amba lawo.

MUV̄ENULIO 20:13

iƁahari iregeza uwafu waka moni mwayo, tsena ufa na Uzimu wa wafu ziregeza uwafu waka moni mwazo, na wao wahukumulwa, kula moja ulawana na zitrendro zahe.

MUV̄ENULIO 20:15

Mutru yotsi kaparihana amba aangihwa moni na ishio ya uhayati, avutswa moni na lidzaha la moro.

MUV̄ENULIO 21:27

Kav̄utsongia ata hata shitru ya tsama itsokao yotsi moni v̄ale, wala yotsi afanyao trongo kazalazimu au za trambo, ɓadi ɗe wao tu waangihwa hari mwa ishio ya uhayati ya uMwana Ɓariɓari.

MUV̄ENULIO 22:12

«Tsami nisuja tsi hale! Tsena nisuv̄inga v̄umoja na wami zithawaɓu zangu, ile niv̄e kula mutru ha uɗunga shitrendro yahe.

MUV̄ENULIO 3:5

V̄av̄o uwo ashindra atsopindra nguo ndjeu; tsitsozima ata hata lidzina lahe moni na ishio ya uhayati, tsena nitsokuɓali dzina lahe mbeli za Ɓaɓangu na mbeli za zimalayika zahe.