MUV̄ENULIO 2:26 - Ha`bari Ndjema ya I Maore

²⁶ Ha uwo ashindra na usika ata mwiso zitrendro zangu, nitsomuv̄a yezi hari mwa zinishani.

MUV̄ENULIO 2:26 ပူးပေါင်းရင်းမြစ်များ

MATIYO 10:22

Mutsoengwa na watru piya ha siɓaɓu ya lidzina langu. Ɓadi uwo atsostahamilio ata mwisoni, atsohuyiwa.

MATIYO 19:28

Insa awaambia: «Nisumuambiani ha kweli, wakati wa uMuumbio Muv̄ia, uMwana wa Mwanadamu amoketsi hari mwa ishiri ya yezi ya utukufu wahe, wanyu mwaniɗunga mutsoketsi wajau hari mwa ziri za yezi kumi na mbili, ile muhukumu zingudjama kumi na mbili za Israila.

MATIYO 24:13

Ɓadi uwo atsostahamilio ata mwiso, atsohuyiwa.

YUHANI 6:29

Insa awadjiɓu: «Urumishi wa Mungu, ɗe wanyu uamini uwo amuv̄eleha.»

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

MAROMU 8:37

Ɓadi hari mwa piya trongo zizo, risuzidi uka washindrifu ha uwo ariv̄endza.

1 MATESALONIKA 3:5

Iyo ɗe yatsonga amba ɓaanda tsakoshindra nastahamili tsena, tsimuv̄eleha Timutausu aje arenge haɓari ya uaminifu wanyu, ha trisidzo amba uMuzainifu aja amuzainini ata yaka amba hazi yatru kaina mana.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

YAKOƁU 2:20

Usutsaha udhiɓitifu, wawe shiumbe ndzijinga, amba uaminifu kawaɗungwa na zitrendro, uwo kauna mana?

1 YUHANI 2:19

Walawa hatru, ɓadi kawaka watru watru. Na djeli waka watru watru, itsoka amba waɓaki na wasi. Ɓadi walawa, ile iv̄enuhe amba tsi piyawo walio watru watru.

1 YUHANI 3:23

Na tsini ãmuri yahe: amba riamini ha lidzina la uMwana wahe Insa-Kristi, tsena riv̄endzane wasi na wasi, mauri ɗe inamuna ariãmurisha.

1 YUHANI 5:5

Mbani ɗe ashindra lidunia neka tsi ɗe uwo aaminio amba Insa ɗe uMwana wa Mungu?

MUV̄ENULIO 2:11

Mwendza makio, nakiye izo iRoho aambiao ziDjama Ndziwaminifu! Uwo ashindra, katsodhurushiha na ufa ya v̄ili.»

MUV̄ENULIO 2:17

Mwendza makio nakiye izo iRoho aambiao ziDjama Ndziwaminifu! Uwo ashindra, nitsomuv̄a fungu hari mwa ishahula yatsitswa ihiriwao manna, tsena ɓwe djeu. Na hari mwa liɓwe lilo v̄uangihwa dzina pia lilio amba kav̄u mutru alijuao neka tsi ɗe uwo aliparao.»

MUV̄ENULIO 2:7

Mwendza makio nakiye izo iRoho aambiao ziDjama Ndziwaminifu! Ha uwo ashindra, nitsomuv̄a aɗye mavuna ya umuri wa uhayati ulio hari mwa ipev̄o ya Mungu.»

MUV̄ENULIO 20:4

Amwesa tsiono ziri za shiufalume. Wao waziketsia, wav̄olwa wahukumu. Tsiono tsena ziroho za wao wapulwa zizitswa ha siɓaɓu ya ushahidifu wa Insa na Urongozi wa Mungu, wao kawasudjudia ishinyama mbovu wala lisanamwe layo, tsena kawaka wapara iãlama hari mwa uuso wala hari mwa umuhono. Waregea hayi, amwesa watawala v̄umoja na Kristi muda wa maha alifu.

MUV̄ENULIO 21:7

Uwo ashindra, atsoarithi trongo zini. Nitsoka Mungu wahe, na waye atsoka mwana wangu.

MUV̄ENULIO 22:5

Uku kautsoka tsena, wala kawatsotumainia tsena heu ɓila kombe, wala iheu ya lijua, mana Mwalatru Mungu atsowawalia. Tsena watsotawala daima.

MUV̄ENULIO 3:12

Uwo ashindra nitsomufanya ake ngidzo moni na iNyumba Ndzitwaharifu ya Mungu wangu, tsena katsoilawia ata idahari. Nitsoangiha uju mwaye lidzina la Mungu wangu, na lidzina la liɗago la Mungu wangu, iYerusalemu pia ishukao ulawa pev̄oni ha Mungu wangu. Nitsoangiha raha uju mwaye lidzina pia langu.

MUV̄ENULIO 3:21

Ha uwo ashindra, nitsomuv̄a aketsi v̄umoja na wami hari mwa ishiri ya ufalume yangu, mauri wami namuna nashindra, tsena naketsi v̄umoja na Ɓaɓangu hari mwa ishiri ya ufalume yahe.

MUV̄ENULIO 3:5

V̄av̄o uwo ashindra atsopindra nguo ndjeu; tsitsozima ata hata lidzina lahe moni na ishio ya uhayati, tsena nitsokuɓali dzina lahe mbeli za Ɓaɓangu na mbeli za zimalayika zahe.