MUV̄ENULIO 2:23 - Ha`bari Ndjema ya I Maore

²³ Nitsoangamidza wana wahe ha uwaula. Na piya ziDjama Ndziwaminifu zitsojua amba wami ɗe nitsungiyao zifikira na ziroho, tsena nitsov̄a kula moja hari mwanyu ulawana na zitrendro zahe.

MUV̄ENULIO 2:23 ပူးပေါင်းရင်းမြစ်များ

MATIYO 16:27

Mana uMwana wa Mwanadamu|Mwana wa Mwanadamu atsoja hari mwa utukufu wa Ɓaɓahe v̄umoja na zimalayika zahe; wakati uwo, atsoliv̄a kula mutru ulawana na zitrendro zahe.

LUKASI 16:15

Ɓadi Insa awaambia: «Wanyu watru watsahao waonehane amba warahara mbeli za wanadamu, ɓadi Mungu ujua roho zanyu. Mana iyo iliona sheo mbeli za uwanadamu, ilaãnishiha mbeli za Mungu.»

YUHANI 21:17

Amuambia ha mara ya raru: «Simoni, mwana wa Yunasi, usuniv̄endza?» Sa ile Monye aremwa na huzuni iv̄o amudzisa ha mara ya raru: «Hali usuniv̄endza?» Amudjiɓu: «Raɓi, wawe ujua piya trongo. Usujua amba nisuhuv̄endza.» Insa amuambia: «Tsunga maɓariɓari yangu.

YUHANI 4:16

Ɓas, Insa amuambia: «Endra wahire mutrumume waho, uje.»

MAV̄INGIZI-RISALA 1:24

Amwesa wamia Mungu zini: «Mwalatru, wawe ujuao zilio rohoni ha piya wanadamu, rionese hari mwa watru waili wao uwo wamutsahua,

MAROMU 14:12

Ha izo, kula moja hari mwasi atsodzieledza mbeli za Mungu ha iwaye yahe.

MAROMU 8:27

Na Monyewe aonao zilio moni na umo asujua zinia za iRoho, mana ɗe ha uɗunga yamav̄endzeleo ya Mungu ɗe imiliao watwaharifu.

2 MAKORINTIYO 5:10

Mana piyasi, ilazimu riv̄ire hari mwa mahakama ya Kristi, ile kula mutru apare zamulazimu ulawana na izo azifanya wakati aka hari mwa umwili, neka ndjema, au mbovu.

MAGALATWIYA 6:5

Mana kula mutru atsotrika mudzo wahe monyewe.

MAHEƁRANIYA 4:13

Kav̄u shiumbe yamudzamishia: piya zitru za wadzi-wadzi matsoni ha Uwo alio amba irilazimu ridzieledze.

1 MONYE 1:17

Na neka musumumia Mungu ha umuhira Ɓaɓa, Monyewe uhukumu kula mutru na zitrendro zahe ɓila uv̄endzelea, ɓasi namudziv̄inge v̄umoja na trisidzo wakati raha mulio shiv̄andreju mwa tsi.

MUV̄ENULIO 2:11

Mwendza makio, nakiye izo iRoho aambiao ziDjama Ndziwaminifu! Uwo ashindra, katsodhurushiha na ufa ya v̄ili.»

MUV̄ENULIO 2:7

Mwendza makio nakiye izo iRoho aambiao ziDjama Ndziwaminifu! Ha uwo ashindra, nitsomuv̄a aɗye mavuna ya umuri wa uhayati ulio hari mwa ipev̄o ya Mungu.»

MUV̄ENULIO 20:12

Tsiono tsena uwafu, rangu waɓole ata watiti waka wahimi mbeli na ishiri ya ufalume. V̄uɓulwa zio, na shio yangina iɓulwa, ilio ɗe ishio ya uhayati. uWafu wahukumulwa ha uɗunga izo zaka zaangihwa moni na zizio ulawana na zitrendro zawo.

MUV̄ENULIO 20:13

iƁahari iregeza uwafu waka moni mwayo, tsena ufa na Uzimu wa wafu ziregeza uwafu waka moni mwazo, na wao wahukumulwa, kula moja ulawana na zitrendro zahe.

MUV̄ENULIO 22:12

«Tsami nisuja tsi hale! Tsena nisuv̄inga v̄umoja na wami zithawaɓu zangu, ile niv̄e kula mutru ha uɗunga shitrendro yahe.

MUV̄ENULIO 6:8

Tsiangalia na tsio, tsiono farasi yendza range djifu. Mutru aka aipandra akana lidzina la Wafati, na Uzimu wa uwafu uka umuɗungu. Wav̄olwa ushindzi hari mwa lifungu la nne la ishiv̄andre ya tsi, ile waangamidze wanadamu ha upanga, ha ndza, ha maradhi yaulao, na ha zinyama nyeha za shiv̄andreju mwa tsi.