MUV̄ENULIO 2:13 - Ha`bari Ndjema ya I Maore

¹³ Nisujua v̄ahanu uẽshio: v̄av̄o ɗe v̄ulio ishiri ya yezi ya Shetwani. Ususika hodari lidzina langu, tsena kwalatsa uaminifu na wami, ata hari mwa zisuku Antipasi, shahidi muaminifu wangu akoulawa hanyu, v̄ahanu Shetwani aẽshio.

MUV̄ENULIO 2:13 ပူးပေါင်းရင်းမြစ်များ

MATIYO 10:23

Mwamotreswa hari mwa ɗago, namutrale hari mwa langina. Nisumuambiani ha kweli, kamutsomalidza uv̄ira yamalago ya Israila, kaɓula ya uMwana wa Mwanadamu uja.

MATIYO 24:9

Ɓas, mutsotrilwa hari mwa matreso, na uulawa. Mutsoengwa na piya zinishani ha siɓaɓu ya lidzina langu.

MATIYO 4:10

Sa ile Insa amuambia: «Lawa v̄anu Shetwani! Mana v̄uangihwa: ‹Utsomuãɓudu Mwalaho Monyezi Mungu, na umurumishia ɗe waye tu ɓas.› »

LUKASI 21:17

Mutsoengwa na wanadamu piya ha siɓaɓu ya lidzina langu.

MAV̄INGIZI-RISALA 22:20

Amwesa, wakati watru wakotra idamu ya shahidi waho Etiyeni, wami tsika, tsikuɓali itrongo, ata nakosika nguo za watru wakomuula.›

MAV̄INGIZI-RISALA 9:14

Na hunu, ana ruhusa ha yaMatolezi Maɓole ya Masadaka ile afunge piya waombao ha lidzina laho.»

1 MATESALONIKA 5:21

ɓadi namutwaliye piya zitrongo, musike zilio ndjema.

1 TIMUTAUSU 5:8

Neka mutru kasuangalia wadjamazahe, na hususwani wale muraɓani hahe, v̄av̄o av̄a mengo uaminifu, tsena a movu rahana mutru kaamini.

2 TIMUTAUSU 1:13

Ɗunga umufano wa marongozi mema wayakia na wami, ha uaminifu na uv̄endza, ulio hari mwa uv̄umoja na Kristi-Insa.

2 TIMUTAUSU 2:12

neka risustahamili, ritsotawala wajau v̄umoja na waye. Neka risumuhara, waye wajau atsorihara;

MAHEƁRANIYA 10:23

Narisike hodari itama yatru riikuɓalio ha hadhwira ɓila rasujeledze, mana Uwo atoa uwahadi, waye muaminifu.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

YAKOƁU 2:7

Hali wao tsi ɗe wadhilio liDzina dzuzuri livumbulwao hanyuju?

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,

MUV̄ENULIO 11:3

Nitsov̄a yamazahidi maili yangu yajudze marongozi ya shi mutrume yashukidziwa muda wa suku alifu wa miyateni wa sitini; na wao watsopindra maguni.»

MUV̄ENULIO 12:11

Na wao wamushindri ha idamu ya uMwana Ɓariɓari, na ha urongozi wa ushahidifu wawo; mana kawav̄endza uhayati wawo ata waka tayari ya ufa.

MUV̄ENULIO 13:2

iShinyama mbovu naiona, ika mufano wa pahavuɓa. yiMindru yayo yika mauri mindru ya shinyama nyeha yangina, na ihanyo mauri hanyo ya simba. iShinyama ɓole ile mufano wa vwayi iv̄a shinyama mbovu ile yalawa ɓaharini ushindzi wayo, ishiri ya ufalume yayo, na yezi ɓole.

MUV̄ENULIO 14:12

V̄av̄o ɗe v̄walazimiwani isuɓira ya watwaharifu wasikao ziãmuri za Mungu na uaminifu wa Insa.

MUV̄ENULIO 17:14

Watsofanya kondro kinyume na uMwana Ɓariɓari, na uMwana Ɓariɓari atsowashindra, mana waye Raɓi wa yamaraɓi, tsena Mufalume wa yamafalume, na v̄umoja na waye, wao wahiriwa, watsahulwa, uwaaminifu.»

MUV̄ENULIO 17:6

Tsiono mutrumushe ule amba alewe ha idamu ya watwaharifu na idamu ya mazahidi wa Insa. Umuona yangu, tsiremwa na ushangavu muɓole.

MUV̄ENULIO 2:2

Wami ujua zitrendro zaho, ihazi yaho, na ustahamilivu waho. Nisujua amba wawe kushindri ustahamilia waovu. Uv̄imi wao wadzifanyao mav̄ingizi-risala ne kawasi, amwesa uwapara wanafiki.

MUV̄ENULIO 3:11

Nisuja tsi hale. Sika iyo ulionayo, ile v̄usuke ata mutru arenga ikemba yaho.

MUV̄ENULIO 3:3

Nahana ɓasi iyo wapara, iyo wakia, amwesa uisike, wendre toɓa. Neka kusi hashiri, nitsoja mauri mwidzi, na wawe kutsojua ata hata isa nitsohujiliao.