MUV̄ENULIO 19:8 - Ha`bari Ndjema ya I Maore

⁸ Akuɓaliwa apindre kitani yaswafishiha, tsena ndzambamba iwalao.» iKitani ndzambamba iyo, ɗe zizitrendro zendza haki za uwatwaharifu.

MUV̄ENULIO 19:8 ပူးပေါင်းရင်းမြစ်များ

MATIYO 17:2

Na hule agauha mbeli zawo: sura yahe yakowala mauri ɗe lijua, na nguo zahe zifanyiha ndjeu, zakov̄ev̄ena mauri nuru.

MATIYO 22:12

Amudzisa: ‹Mwandzani wangu, ufanya jeje ata wangia v̄anu wala kwapindra nguo za harusi?› Ɓadi mutru ule aɓuriha.

MARKUSI 9:3

nguo zahe zakov̄ev̄ena, zikana uweu ulio amba kav̄usi mutru shiv̄andreju mwa tsi ashindrao arahatse nguo ata ike ndjeu mauri ɗe zahe zile.

LUKASI 24:4

Sa ile waremwa na ushangavu na itrongo ile. Ɓas, v̄uwav̄enushia watruɓaɓa waili, wakana nguo zakov̄ev̄ena.

MAV̄INGIZI-RISALA 1:10

V̄ale raha wakostamia mbinguni hule iv̄o akwendra dzahe, ne v̄uwav̄enulia watruɓaɓa waili wapindra vao djeu.

MAROMU 13:14

Ɓadi namudzipindrise Raɓi Insa Kristi, wala musudzishuhulise na itaɓia ya shiuɓinadamu ha ujiv̄idza zingushauku zayo.

MAROMU 3:22

Uwo muhakisho wa Mungu ha uaminifu na Insa-Kristi ha piya wao waaminio, wala kav̄u tafauti:

MUV̄ENULIO 15:4

Mbani katsoria, wala katsotukuza dzina laho Mola? Mana wawe weke ɗe Mutwaharifu. Na piya zinishani zitsoja, amwesa zitsosudjudia mbeli zaho, mana uhaki waho uv̄enuha.»

MUV̄ENULIO 15:6

na zimalayika saɓa zaka zasika yamaɓa saɓa zilawa hari mwa iNyumba Ndzitwaharifu. Zika zipindri nguo za kitani sahe-sahe zakowala, amwesa zika ziɓanga na mikandra ya dhahaɓu shifuɓani.

MUV̄ENULIO 19:14

yaMadjeshi yalio pev̄oni yakomuɗunga, waka wapashia farasi ndjeu, wapindri kitani yaswafishiha, ndjeu tsena ndzambamba.

MUV̄ENULIO 3:18

Nisuhusariɓia ununuwe dhahaɓu hangu ilio amba iswafishiha ha moro, ile utadjirishihe; ununuwe nguo ndjeu, ile ike amba upindri, pare iaĩɓu ya wadzi waho yasuv̄enuhe; na ɗalao la utria matsoni pare uone.