MUV̄ENULIO 19:20 - Ha`bari Ndjema ya I Maore

²⁰ iShinyama mbovu isikwa, na v̄umoja na wiyo ule akodzifanya amba ashukidziwa marongozi ya shi mutrume, ule alio amba akotsimidza mbeli zayo ãlama za midjuza zilio amba ha wizo akodanganya wale waka wapara iãlama ya ishinyama mbovu, tsena wakoãɓudu lisanamwe layo. Wao waili wavutswa na ziroho zawo moni na dzaha la moro v̄uvuao vu la shidzaha.

MUV̄ENULIO 19:20 ပူးပေါင်းရင်းမြစ်များ

MATIYO 7:15

«Namudzifahamishe na watru wa trambo wadzifanyao amba washukidziwa marongozi; wao umujiliani ha sura za maɓariɓari matrulivu, ɓadi moni hawo, wao wahali mauri mbwa nyeha.

MUV̄ENULIO 14:10

atsonwa waye wajau, uushi wa ihadhaɓu ya Mungu watsomolwa ɓila utsanganisiwa, moni na ishikombe ya hadhaɓu yahe. Atsotreswa moni na moro na vu la shidzaha mbeli na zimalayika ndzitwaharifu, na mbeli na uMwana Ɓariɓari.

MUV̄ENULIO 17:12

ziNyonga kumi waziona, zile wafalume kumi walio amba raha kawapara utawalizi, ɓadi watsoparao yezi ya shiufalume v̄umoja na ishinyama mbovu muda wa sa moja.

MUV̄ENULIO 19:19

Tsiono ishinyama mbovu, wafalume wa shiv̄andreju mwa tsi, na madjeshi yawo wangulidzana ile wawane kondro kinyume na ule apandra ifarasi, na kinyume na djeshi lahe.

MUV̄ENULIO 20:10

Na Iɓilisa akowadanganya ne avutswa moni na lidzaha la moro na vu la shidzaha, v̄ahanu ishinyama mbovu na umushukidziwa-marongozi wa trambo walio. Watsotreswa uku na mutsana ha daima.

MUV̄ENULIO 21:8

Ɓadi wao tsi watru wasuɓutu, wao tsi maaminifu, watshafi, maula, wendza taɓia, wafanyizi-utsayi, maãɓudu-masanamwe, na piya wanafiki, fungu lawo litsoka moni mwa lidzaha la moro livudzao na vu la shidzaha: uwo ɗe ufa wa v̄ili.»

MUV̄ENULIO 22:15

Na v̄ondze oho ɗe wanadamu mbwa, watsayi, wendza taɓia za shahawa kazalazimu, maula, maãɓudu masanamwe, na yotsi av̄endzao na ufanya unafiki.

MUV̄ENULIO 9:17

Na hari mwa inida naiona, tsiono zifarasi na uwatru waka wazipandra namuna ini: Zifuɓani hawo wakana magwezi yendza range ya moro, murututu waiva, na dzindzano la shi vu la dzaha. ziZitswa za zifarasi zika mauri zitswa za simba, na hanyoni mwazo v̄wakolawa moro, mwesi, na vu dzindzano.