MUV̄ENULIO 18:23 - Ha`bari Ndjema ya I Maore

²³ iHeu ya likombe kaitsowala tsena haho, amwesa kav̄utsokilihana tsena haho ji la ɓwana-harusi, wala la mushe-harusi. Mana maɓahazazi yaho yaka ɗe uwaɓole wa ishiv̄andre ya tsi, na zinishani piya zidangamanyiha ha ugangi waho.

MUV̄ENULIO 18:23 ပူးပေါင်းရင်းမြစ်များ

MAV̄INGIZI-RISALA 8:11

Wakoka na umuvulishia, mana hari mwa mida mengi akowashangidza na ugangi wahe.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MUV̄ENULIO 17:2

Ɗe v̄umoja na waye ɗe yamafalume ya ulemengu yakofanya zina, na uwakazi wa shiv̄andreju mwa tsi wakolewa ha ushi wa ususu wahe.»

MUV̄ENULIO 17:5

Hari mwa uso wahe v̄uka v̄uangihwa dzina la shifumbo amba: Ɓaɓiluna uMuɓole, mama wa yamasusu na ngudhilifu za ishiv̄andre ya tsi.

MUV̄ENULIO 18:22

Kav̄utsokilihana tsena haho ngono ya maremezi-dzendze, maremezi-lamiziki, marema-ndzumari, na marema-ɓaragumu. Kav̄utsoparihana tsena haho mufanyizi atsokao yotsi wa hazi itsokao yotsi ya muhono. Kav̄utsokilihana tsena haho keme ya ɓwe litseresao ngano.

MUV̄ENULIO 18:3

Mana piya zinishani zino ushi wa uzindzi muhali wahe. Wafalume wa ishiv̄andre ya tsi wakozingana na waye, na maɓahazazi wa shiv̄andreju mwa tsi watadjirishiha ha ndza zahe za uzuri wazidi.»

MUV̄ENULIO 18:9

uWafalume wa ishiv̄andre ya tsi walio amba wakozingana na waye na urenga fuvu hari mwa ndza za masterehi yahe, watsolila na usikitiha ha siɓaɓu ya waye, uona yawo umwesi wa umuvudzio wahe.

MUV̄ENULIO 21:8

Ɓadi wao tsi watru wasuɓutu, wao tsi maaminifu, watshafi, maula, wendza taɓia, wafanyizi-utsayi, maãɓudu-masanamwe, na piya wanafiki, fungu lawo litsoka moni mwa lidzaha la moro livudzao na vu la shidzaha: uwo ɗe ufa wa v̄ili.»

MUV̄ENULIO 22:15

Na v̄ondze oho ɗe wanadamu mbwa, watsayi, wendza taɓia za shahawa kazalazimu, maula, maãɓudu masanamwe, na yotsi av̄endzao na ufanya unafiki.

MUV̄ENULIO 22:5

Uku kautsoka tsena, wala kawatsotumainia tsena heu ɓila kombe, wala iheu ya lijua, mana Mwalatru Mungu atsowawalia. Tsena watsotawala daima.

MUV̄ENULIO 6:15

Wafalume wa ishiv̄andre ya tsi, uwaɓole, makizi-mbeli ya madjeshi, matadjiri, washindzi, ɓasi piyawo, warumwa na wendza unafasi, wakwendra wadzame moni na magumbo na moni na yamadjaɓali ya milima.

MUV̄ENULIO 9:21

Kawandra toɓa na zitrendro ziangamifu zawo, ɓila ngutsayi zawo, uzindzi wawo, wala nguwidzi zawo.