MUV̄ENULIO 18:21 - Ha`bari Ndjema ya I Maore

²¹ Ɓas, malayika yendza ushindzi irenge ɓwe ɓole mauri la utsera ngano, ilivutsu ɓaharini ha urongoa: «V̄umoja na nguvu mauri ɗe iyo, liɗago ɓole Ɓaɓiluna litsoangamidziwa, kalitsoonehana tsena.

MUV̄ENULIO 18:21 ပူးပေါင်းရင်းမြစ်များ

MUV̄ENULIO 10:1

Amwesa tsiono malayika yangina yendza ushindzi, yakoshuka ulawa pev̄oni, yaka yapindra vingu na shitswa yayo ika izingidziwa na mukakamba. Uso wayo uka mauri ɗe lijua, na yimindru yayo mauri ngidzo za moro.

MUV̄ENULIO 12:8

ɓadi kayashindra, ata kav̄waparihana tsena ɓandza pev̄oni amba lawo.

MUV̄ENULIO 16:20

Ɓasi piya zisiwa zihiɓu, na yimilima kayaparihana tsena.

MUV̄ENULIO 18:10

Watsohima mbali ha faza za djondo lahe na urongoa: ‹Maondo! Maondo trini ya liɗago ɓole Ɓaɓiluna, ɗago lendza nguvu! Hari mwa sa moja tu hukuma yaho ihujilia!›

MUV̄ENULIO 18:22

Kav̄utsokilihana tsena haho ngono ya maremezi-dzendze, maremezi-lamiziki, marema-ndzumari, na marema-ɓaragumu. Kav̄utsoparihana tsena haho mufanyizi atsokao yotsi wa hazi itsokao yotsi ya muhono. Kav̄utsokilihana tsena haho keme ya ɓwe litseresao ngano.

MUV̄ENULIO 20:11

Amwesa tsiono shiri ya ufalume ɓole amwesa ndjeu, na uMonyewe aka aiketsia. iShiv̄andre ya tsi na uwingu zizimiha mbeli zahe, wala kav̄waparihana tsena ɓandza amba lawo.

MUV̄ENULIO 5:2

Tsiono tsena malayika yendza ushindzi yakoshelemedza ha ji lendza nguvu amba: «Mbani ɗe astahiki upua ziliti, aɓuwe ishio?»