MUV̄ENULIO 16:8 - Ha`bari Ndjema ya I Maore

⁸ iMalayika ya nne iɓuhudza shikombe yayo hari mwa lijua, na wilo liv̄olwa livudze uwanadamu ha umoro.

MUV̄ENULIO 16:8 ပူးပေါင်းရင်းမြစ်များ

MATIYO 13:6

Ɓadi jua uhea yalo, livudzu mimea yile, yija yihumu, mana kayakana mizi mihodari.

LUKASI 21:25

«V̄utsoonehana ãlama hari mwa lijua, umwezi na zinyora; na shiv̄andreju mwa tsi zinishani zitsoremwa na trisidzo ha siɓaɓu ya ushangavu wawo na umutsutsuho wa iɓahari na yamaluja.

MAV̄INGIZI-RISALA 2:20

liJua litsogauha shidza, na umwezi damu, kaɓula ya umujilio wa iSuku ya Mola, iSuku ɓole iyo, yendza utukufu.

MUV̄ENULIO 14:18

Malayika yangina raha, ɗe ile yakana ushindzi hari mwa umoro, ilawa hari mwa italatala ya masadaka, iambia ha ji lendza nguvu ile yakana ishombo-gori yasudzwa: «V̄eleha shombo-gori yasudzwa yaho iyo, ukatre yamavuna ya umuzaɓiɓu wa ishiv̄andre ya tsi, mana zizaɓiɓu zawo ziivu.»

MUV̄ENULIO 6:12

Tsiono tsena upua yahe iliti ya sita amba v̄ufanyiha mudridrimio muɓole wa ishiv̄andre ya tsi. liJua lifanyiha dziɗu mauri nguo ya musiɓa, na umwezi ha ukamilifu wawo ufanyiha mauri damu.

MUV̄ENULIO 7:16

Kawatsoona ndza tsena, wala kawatsoona nyora tsena. liJua kalitsowarema, wala hari kaitsowavudza.

MUV̄ENULIO 8:12

iMalayika ya nne ivudzia liɓaragumu. Ɓasi lifungu la raru la lijua liremwa, v̄umoja na lifungu la raru la umwezi, na lifungu la raru la zinyora, ile lifungu la raru lazo lifanyihe shidza, na lifungu la raru la umutsana lilawe iheu yalo, na uuku wajau.

MUV̄ENULIO 9:2

Iɓua ishisima ya Uzimu, amwesa v̄uhelea mwesi mauri wa moro muɓole. liJua na ihawa zifanyiwa shidza ha umwesi wa ishisima.