MUV̄ENULIO 16:21 - Ha`bari Ndjema ya I Maore

²¹ Vua ɓole yafa ɓwe lilio amba kula moja likana udziro wa shiv̄imo moja ishukia wanadamu ulawa pev̄oni; na wanadamu wamukufuru Mungu ha siɓaɓu ya liɓa la ivua yafa ɓwe, mana lika dziro halisi.

MUV̄ENULIO 16:21 ပူးပေါင်းရင်းမြစ်များ

MUV̄ENULIO 11:19

Na iNyumba Ndzitwaharifu ya Mungu ilio pev̄oni iɓulwa, na iɓweta ya umukataɓa|ɓweta ya mukataɓa wahe iv̄enuha moni na iNyumba Ndzitwaharifu yahe. Ɓasi v̄uka peni, maji, maguguma, mudridrimio wa ishiv̄andre ya tsi, na vua ɓole yafa ɓwe.

MUV̄ENULIO 16:11

Wakomukufuru Mungu Monyewe ziMbingu ha siɓaɓu ya ngutungu zawo na zizondra, ɓadi kawandra toɓa na zitrendrwa zawo.

MUV̄ENULIO 16:9

Ɓasi uwanadamu wavuwu ha itsav̄e ɓole yalo; na wao wakokufuru lidzina la Mungu aliona iyezi hari mwa yamaɓa yale, ɓadi kawandra toɓa waja wamutukuza.

MUV̄ENULIO 8:7

Ya handra ivudzia ɓaragumu layo. Na v̄ale v̄ushuku vua yafa ɓwe na moro zatsangana na damu, zipulisiwa shiv̄andreju mwa tsi. liFungu la raru la ishiv̄andre ya tsi livudzwa, lifungu la raru la yimiri livudzwa, na piya malavu maitsi yavudzwa.