MUV̄ENULIO 16:14 - Ha`bari Ndjema ya I Maore

¹⁴ Yao madjini ya mazetwani yafanyao ãlama za midjuza na uendra ha uwafalume wa piya ishiv̄andre ya tsi iketsiwao, ile yawangulidze wa ikondro ya iSuku Ɓole ya Mungu Monyewe Ushindzi.

MUV̄ENULIO 16:14 ပူးပေါင်းရင်းမြစ်များ

MATIYO 24:14

iHaɓari Ndjema ini ya Utawalizi itsotekelezewa hari mwa ulemengu kamili, ile ike ushahidi ha piya zinishani; v̄av̄o iv̄o ɗe umwiso utsojao.»

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MARKUSI 13:22

Mana v̄utsohima makristi ya trambo, tsena v̄utsohima watru watsodzifanyao amba washukidziwa marongozi; watsofanya ãlama za ãdjaɓu na midjuza, ile, neka trongo mukinishiha, wadanganye wale watsahuliwa na Mungu.

LUKASI 2:1

Hari mwa uwakati ule, Kaiswara Augusti atoa ãmuri v̄ufanyiwe hisaɓu ya piya uwakazi wa zitsi zatawaliwa na Romu.

YUHANI 8:44

Wanyu, ɓaɓanyu ɗe Iɓilisa, amwesa musutsaha mufanye mav̄endzeleo ya ɓaɓanyu. Uwo, rangu mwandro muangamifu, tsena kaparoka hari mwa ukweli, mana haheju kav̄u ukweli. Kula amorongoa trambo, waye urongoa ha uɗunga ihali yahe, mana waye munafiki, amwesa ɓaɓa wa trambo.

MAROMU 1:8

Raɓuzi, nisumuhimidia Mwalangu Mungu ha ndzia ya Insa Kristi ha wanyu piyanyu, ha iv̄o uaminifu wanyu usifiwao hari mwa lidunia kamili.

2 MATESALONIKA 2:9

uMuv̄enulio wa uMovu uwo utsorendreha ha zitrendro za Shetwani, v̄umoja na kula namuna ya midjuza, ãlama za ãdjaɓu, na ãdjaɓu ndzinafiki,

1 TIMUTAUSU 4:1

Na iRoho isurongoa dhwahiri amba hari mwa lidunia la mwiso, ɓaãdhwi watsoɓauha uaminifu, wadzifungamanise na roho ndzidangamanyifu na misomo ya shiushetwani

YAKOƁU 3:15

Hikima iyo tsi ɗe ilawao uju, ɓadi ya shiduniani, ya shiuɓinadamu, ya shiushetwani.

1 YUHANI 5:19

Risujua amba wasi wa shi Mungu, na ulemengu kamili wa hari mwa ushindzi wa uMovu.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MUV̄ENULIO 13:3

Moja hari mwa zitswa zayo ika mauri yakotsaha iulawe, ɓadi lidjaraha la shi ukatili lika liangala. Hari mwa ushangavu piya ulemengu uɗungu shinyama mbovu ile.

MUV̄ENULIO 16:16

Yawangulidza v̄ahanu v̄uhiriwao Harmagedoni Shiheɓraniya|Muheɓraniya.

MUV̄ENULIO 16:7

Amwesa tsikia italatala ya masadaka irongoa: «Ewa, Mwalatru Mungu, Monyewe Ushindzi, yiminamuzi yaho ya kweli, tsena ya haki.»

MUV̄ENULIO 17:14

Watsofanya kondro kinyume na uMwana Ɓariɓari, na uMwana Ɓariɓari atsowashindra, mana waye Raɓi wa yamaraɓi, tsena Mufalume wa yamafalume, na v̄umoja na waye, wao wahiriwa, watsahulwa, uwaaminifu.»

MUV̄ENULIO 20:8

Na waye atsolawa adanganye piya zinishani hari mwa zinyonga nne za ishiv̄andre ya tsi, ne ɗe Gogu na Magogu, ile azingulidze za kondro. Indadi yawo mauri mutsanga wa iɓahari.

MUV̄ENULIO 3:10

Rangu wasika urongozi wangu amba usuɓiri, wami wajau nitsohusika wakati wa umudjereɓio utsojao hari mwa piya ishiv̄andre ya tsi iketsiwao, pare udjereɓu uwakazi wa ishiv̄andre ya tsi.

MUV̄ENULIO 6:17

Mana isuku ɓole ya hadhaɓu yawo iwaswili, na mbani ɗe atsoshindrao akingiye?»