MUV̄ENULIO 16:1 - Ha`bari Ndjema ya I Maore

¹ Wakati ule tsikia ji lendza nguvu lalawa hari mwa iNyumba Ndzitwaharifu, liambia zimalayika saɓa zile: «Namwendre mwaɓuhudze shiv̄andreju mwa tsi zizikombe saɓa za ihadhaɓu ya Mungu.»

MUV̄ENULIO 16:1 ပူးပေါင်းရင်းမြစ်များ

MUV̄ENULIO 11:19

Na iNyumba Ndzitwaharifu ya Mungu ilio pev̄oni iɓulwa, na iɓweta ya umukataɓa|ɓweta ya mukataɓa wahe iv̄enuha moni na iNyumba Ndzitwaharifu yahe. Ɓasi v̄uka peni, maji, maguguma, mudridrimio wa ishiv̄andre ya tsi, na vua ɓole yafa ɓwe.

MUV̄ENULIO 14:15

Wakati ule v̄ulawa malayika yangina moni na iNyumba Ndzitwaharifu, yakoshelemedza ha ji lendza nguvu na uambia ile yaketsi vinguju: «V̄eleha shombo yaho uvune. Wakati wa uvuna upara, mana mavuna ya ishiv̄andre ya tsi ya tayari.»

MUV̄ENULIO 14:18

Malayika yangina raha, ɗe ile yakana ushindzi hari mwa umoro, ilawa hari mwa italatala ya masadaka, iambia ha ji lendza nguvu ile yakana ishombo-gori yasudzwa: «V̄eleha shombo-gori yasudzwa yaho iyo, ukatre yamavuna ya umuzaɓiɓu wa ishiv̄andre ya tsi, mana zizaɓiɓu zawo ziivu.»

MUV̄ENULIO 15:1

Amwesa tsiono tsena ãlama ya midjuza yangina pev̄oni, ɓole itaãdjaɓisao: malayika saɓa zaka zasika yamaɓa saɓa ya mwiso, mana ha yao ɗe ihadhaɓu ya Mungu itsimidzihao.

MUV̄ENULIO 16:17

iMalayika ya saɓa iɓuhudza ishikombe yayo hawani. Ɓasi v̄ulawa moni na iNyumba Ndzitwaharifu ji lendza nguvu hari mwa ishiri ya ufalume, lirongoa: «Itsimidziha!»