MUV̄ENULIO 15:7 - Ha`bari Ndjema ya I Maore

⁷ Wakati ule moja mengoni mwa ziziumbe nne zendza roho zile iv̄a zimalayika saɓa zile zikombe saɓa za dhahaɓu zajaya na ihadhaɓu ya Mungu aẽshio mida ha mida.

MUV̄ENULIO 15:7 ပူးပေါင်းရင်းမြစ်များ

1 MATESALONIKA 1:9

Mana watru wasurongoa husuana na wasi namuna jeje mwarirenga hanyu, na namuna jeje mwaɓuza ha Mungu ha udziɓausa na masanamwe, ile mumurumishiye Mungu alio hayi, tsena wa kweli,

MUV̄ENULIO 1:18

Uwo alio hayi. Tsifu, na tsami tsa hayi mida ha mida, amwesa tsina yimifunguo ya ufa na ya Uzimu wa wafu.

MUV̄ENULIO 10:6

amwesa ilav̄a na Uwo aẽshio ha daima, aumba uwingu na izo zilio moni hawo, ishiv̄andre ya tsi na zilio moni hayo, iɓahari na zilio moni hayo, amba: wakati ukomo!

MUV̄ENULIO 14:10

atsonwa waye wajau, uushi wa ihadhaɓu ya Mungu watsomolwa ɓila utsanganisiwa, moni na ishikombe ya hadhaɓu yahe. Atsotreswa moni na moro na vu la shidzaha mbeli na zimalayika ndzitwaharifu, na mbeli na uMwana Ɓariɓari.

MUV̄ENULIO 15:1

Amwesa tsiono tsena ãlama ya midjuza yangina pev̄oni, ɓole itaãdjaɓisao: malayika saɓa zaka zasika yamaɓa saɓa ya mwiso, mana ha yao ɗe ihadhaɓu ya Mungu itsimidzihao.

MUV̄ENULIO 16:2

iMalayika ya handra yendre iɓuhudza shikombe yayo shiv̄andreju mwa tsi. Sa ile v̄uhea shondra mbovu yendza utungu hari mwa uwanadamu wakana iãlama ya ishinyama mbovu ile, tsena wakoãɓudu sanamwe layo.

MUV̄ENULIO 17:1

Amwesa moja mengoni mwa zimalayika saɓa zaka zasika zizikombe saɓa ija iniambia amba: «Ko, na wami nitsohuonesa ihukuma ya lisusu ɓole laketsi wangoni na maji ha uwengi.

MUV̄ENULIO 21:9

Ɓaanda ya v̄ale, moja mengoni mwa zimalayika saɓa zaka zasika zizikombe saɓa zaka zajaya yamaɓa saɓa ya mwiso ija iniambia: «Ko, na wami nitsohuonesa umushe-harusi, mutrumushe wa uMwana Ɓariɓari.»

MUV̄ENULIO 4:10

uwadzaɗe shirini na wanne wale wasusudjudia ule aketsi hari mwa ishiri ya ufalume, wasuãɓudu Monyewe uẽshi ha daima, na ulisha kemba zawo mbeli za ishiri ya ufalume ha urongoa:

MUV̄ENULIO 5:8

Wakati arenga ishio, ziumbe nne zendza roho zile v̄umoja na uwadzaɗe shirini na wanne wale wasudjudia mbeli za uMwana Ɓariɓari. Kula moja aka asiki dzendze na zikombe za dhahaɓu zaka zajaya uɓani, ulio ɗe yamamilio ya watwaharifu.