MUV̄ENULIO 15:3 - Ha`bari Ndjema ya I Maore

³ Wakohimba lidjimbo la Musa, umurumishi wa Mungu, na lidjimbo la uMwana Ɓariɓari: «Zitrendro zaho ɓole zendza ãdjaɓu, Mola Mungu, Monyewe ushindzi. Ndzia zaho za haki, tsena za kweli, wawe uMufalume wa zinishani.

MUV̄ENULIO 15:3 ပူးပေါင်းရင်းမြစ်များ

YUHANI 1:17

Mana iSharia ika iv̄olwa ha ndzia ya Musa, ɓadi ineema na ukweli zija ha ndzia ya Insa-Kristi.

1 TIMUTAUSU 1:17

Ɓasi ha uMufalume wa daima, tsi mufa, tsi muonehana, Mungu weke wahe, nav̄uke hishima na utukufu daimani aɓada. Amina.

MAHEƁRANIYA 3:5

Yahusu Musa waye, aka muaminifu hari mwa piya umuraɓa wa Mungu amba murumishi, alawiye ushahidi izo zakoja zirongoleshehe.

MUV̄ENULIO 1:8

Mwalatru Monyezi Mungu asurongoa: «Wami ɗe uMwandro, amma uMwiso, Uwo alio, aka, tsena ajao, Monyewe Ushindzi.»

MUV̄ENULIO 11:17

ha urongoa: «Risuhuhimidia Mwalatru Mungu Monyewe Ushindzi, wawe ulio tsena waka, mana urumia ushindzi muɓole waho, tsena uhetsi utawalizi waho.

MUV̄ENULIO 14:3

Wakohimba djimbo pia la sifa mbeli na ishiri ya ufalume, mbeli za ziumbe nne zendza roho zile, na uwadzaɗe. Kav̄waka yotsi akoshindra afundrihe djimbo lile neka tsi ɗe watru alifu miya wa aruɓaini na nne wale wakombolwa shiv̄andreju mwa tsi.

MUV̄ENULIO 14:8

Sa ile malayika yangina, ya v̄ili, iɗungu na urongoa: «Ikomoha, ikomoha, Ɓaɓiluna iƁole, waye anosa piya zinishani ushi muhali wa uzindzi wahe.»

MUV̄ENULIO 17:14

Watsofanya kondro kinyume na uMwana Ɓariɓari, na uMwana Ɓariɓari atsowashindra, mana waye Raɓi wa yamaraɓi, tsena Mufalume wa yamafalume, na v̄umoja na waye, wao wahiriwa, watsahulwa, uwaaminifu.»

MUV̄ENULIO 19:16

Ana hari mwa inguo yahe na hari mwa lipaja lahe dzina laangihwa: «Mufalume wa mafalume na Raɓi* wa maraɓi.»

MUV̄ENULIO 19:2

mana hukuma zahe za kweli, tsena za haki. Ahukumu lisusu ɓole lakozaini ulemengu ha ususu walo, tsena aɗiv̄ia haheju idamu ya warumishi wahe.»

MUV̄ENULIO 4:8

ziZiumbe nne zendza roho zile zikana kula moja maɓawa sita, tsena zikana matso wavuni piya na moni. Mutsana na uku kazisuzia urongoa: «Mutwaharifu, Mutwaharifu, Mutwaharifu ɗe Mola Mungu, Monyewe Ushindzi, Uwo aka, alio, tsena ajao.»