MUV̄ENULIO 15:1 - Ha`bari Ndjema ya I Maore

¹ Amwesa tsiono tsena ãlama ya midjuza yangina pev̄oni, ɓole itaãdjaɓisao: malayika saɓa zaka zasika yamaɓa saɓa ya mwiso, mana ha yao ɗe ihadhaɓu ya Mungu itsimidzihao.

MUV̄ENULIO 15:1 ပူးပေါင်းရင်းမြစ်များ

MUV̄ENULIO 10:3

Amwesa ishelemedza ha ji lendza nguvu, mauri simba ingurumao. Ushelemedza yayo, yamaguguma saɓa yahedza maji yawo.

MUV̄ENULIO 11:14

liDjondo la v̄ili liv̄iri. Tsilini lidjondo la raru lisuja tsi hale.

MUV̄ENULIO 14:10

atsonwa waye wajau, uushi wa ihadhaɓu ya Mungu watsomolwa ɓila utsanganisiwa, moni na ishikombe ya hadhaɓu yahe. Atsotreswa moni na moro na vu la shidzaha mbeli na zimalayika ndzitwaharifu, na mbeli na uMwana Ɓariɓari.

MUV̄ENULIO 14:19

Ɓas, imalayika iv̄eleha shombo yayo hari mwa ishiv̄andre ya tsi, ivunu umuzaɓiɓu wa ishiv̄andre ya tsi, amwesa ivutsu yamavuna moni na iɓirika ɓole ya ihadhaɓu ya Mungu.

MUV̄ENULIO 16:1

Wakati ule tsikia ji lendza nguvu lalawa hari mwa iNyumba Ndzitwaharifu, liambia zimalayika saɓa zile: «Namwendre mwaɓuhudze shiv̄andreju mwa tsi zizikombe saɓa za ihadhaɓu ya Mungu.»

MUV̄ENULIO 17:1

Amwesa moja mengoni mwa zimalayika saɓa zaka zasika zizikombe saɓa ija iniambia amba: «Ko, na wami nitsohuonesa ihukuma ya lisusu ɓole laketsi wangoni na maji ha uwengi.

MUV̄ENULIO 19:15

Hanyoni hahe v̄ulawa upanga utsindzao, ile ha uwo areme zinishani. Atsoziv̄inga zirundriye ha tsimbo ya shuma na utseresa zizaɓiɓu za iɓirika yav̄inga ihadhaɓu ɓole ya Mungu Monyewe Ushindzi.

MUV̄ENULIO 21:9

Ɓaanda ya v̄ale, moja mengoni mwa zimalayika saɓa zaka zasika zizikombe saɓa zaka zajaya yamaɓa saɓa ya mwiso ija iniambia: «Ko, na wami nitsohuonesa umushe-harusi, mutrumushe wa uMwana Ɓariɓari.»

MUV̄ENULIO 8:13

Tsiangalia, ɓasi tsikia kwezi lakov̄euha hari-hari na uwingu, tsena lakoshelemedza ha ji lendza nguvu: «Maondo, maondo, maondo ha uwakazi wa ishiv̄andre ya tsi ha siɓaɓu ya zingono zasalia za maɓaragumu yajovudziwao na zimalayika traru!»

MUV̄ENULIO 8:2

Amwesa tsiono malayika saɓa zile zihimi mbeli za Mungu, tsena ziv̄olwa maɓaragumu saɓa.

MUV̄ENULIO 8:6

Ɓasi zimalayika saɓa zile zaka zasika yamaɓaragumu saɓa zakodzitayarisha ya uyavudzia.

MUV̄ENULIO 9:20

Na uwanadamu wangina walio amba kawaulawa na maɓa yanu, kawandra toɓa na zitrendro za mihono yawo. Kawazia uãɓudu mazetwani na masanamwe ya dhahaɓu, ya fedha, ya shaɓa, ya ɓwe, na ya muri, zitru zilio amba kazishindri ona, ɓila ukia, wala uendra.