MUV̄ENULIO 14:4 - Ha`bari Ndjema ya I Maore

⁴ Wao ɗe walio amba kawadzitria tsama na watruwashe, mana wana ɓikira. Wasuɗunga uMwana Ɓariɓari kula v̄ahali andrao. Wakombolwa hari mwa uwanadamu wake madzazi ya handra wa Mungu na wa uMwana Ɓariɓari.

MUV̄ENULIO 14:4 ပူးပေါင်းရင်းမြစ်များ

MATIYO 19:12

Mana v̄wa ɓaãdhwi amba kawashindri ulola, ha inamuna yawo wadzalwa; v̄wa kawashindri ulola ha siɓaɓu ya shitrendro wanadamu wawafanyia; ɓaãdhwi iv̄o, wadzifanya wao wenyewe amba kawasulola, ha siɓaɓu ya Utawalizi wa Monyewe ziMbingu. Mutru ashindrao aɗunge trongo iyo, naiɗunge.»

MATIYO 25:1

«Ɓas, v̄av̄o Utawalizi wa Monyewe ziMbingu utsojua ufanisiwe na wanahirimu watruwashe kumi, warenga mahombe yawo, walawa wandre wamupare ɓwana-harusi.

MATIYO 8:19

Ɓas v̄umujilia Fundi wa Sharia, amuambia: «Fundi, nitsohuɗunga v̄ahanu yotsi utsendrao.»

YUHANI 10:27

Maɓariɓari yangu uvulishia ji langu. Wami uyajua, na yao uniɗunga.

YUHANI 12:26

Neka mutru asutsaha anirumishiye, naniɗunge; na v̄ahali nilio, v̄av̄o wajau ɗe v̄ahali murumishi wangu atsokao. Neka mutru asunirumishia, Ɓaɓangu atsomuhishimu.

YUHANI 13:37

Monye amuambia: «Raɓi, mana trini tsishindri nahuɗunga av̄asa? Wami tsa tayari ya ufa ha siɓaɓu ya wawe.»

YUHANI 8:12

Ɓas, Insa alagua na idunia ile raha, awaambia: «Wami ɗe inuru ya ulemengu. Monyewe uniɗunga, ata suku ne katsendra shidzani, ɓadi atsokana inuru iv̄ao uhayati.»

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

1 MAKORINTIYO 16:15

Sariɓu langina tsena wananyangu: musujua amba umuraɓa wa Stefanasi, uwo ɗe wa handra waamini hari mwa umukaɓala wa Akaya, tsena wadzihetsi amba wasurumishia idjama ya waaminifu.

1 MAKORINTIYO 6:20

Mununulwa ha thamani. Ɓasi namumutukuze Mungu mwilini hanyu.

1 MAKORINTIYO 7:28

Ɓadi neka ulola, v̄av̄o kwaãswi. Na neka mutrumushe-mwanamutsa asulodzwa, v̄av̄o kasuãswi. Ɓadi wao walio hari mwa ndrolo, watsoparwa na taãɓu maẽshani hawo; na wami natsov̄endza nimuhifadhwini nazo.

2 MAKORINTIYO 11:2

Tsina uwivu na wanyu, uwivu wa shi Mungu, mana tsimurumidziani mutrumume moja, ne ɗe Kristi, ile nimuv̄ingeni mbeli zahe amba mutrumushe-mwanamutsa arahara.

MAEFESO 1:14

Iyo ɗe ilio fungu la handra la umwaratha watru, ata ukamilishihe ukombofu wa wao adzipariawo, ha umusifio wa utukufu wahe.

MAEFESO 5:27

pare adzielesheye waye monyewe iDjama Ndziwaminifu ndzitukufu iyo kaina pandra ɓila mufiro, wala itsokao yotsi mufano wazo, ɓadi ndzitwaharifu kaina kosa.

1 TIMUTAUSU 4:3

Wasuɓalidza watru ungia hari mwa ndrolo na uwaãmurisha wasuɗye ɓaãdhwi ya zahula zilio amba Mungu aziumbu ziɗyiwe ha uhimidifu na wao waaminio, tsena wajuao ukweli.

MAHEƁRANIYA 12:23

ha idjama wa yamadzazi ya handra yaangihwa pev̄oni. Mujilia ha Mungu alio hakimu wa piya, ha ziroho za wendza haki wakamilishiha,

YAKOƁU 1:18

Ha inia yahe monyewe, aridza ha urongozi wa kweli, ile rike ha shi urongozi, madzazi ya handra ya ziumbe zahe.

1 MONYE 2:9

Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.

MUV̄ENULIO 17:14

Watsofanya kondro kinyume na uMwana Ɓariɓari, na uMwana Ɓariɓari atsowashindra, mana waye Raɓi wa yamaraɓi, tsena Mufalume wa yamafalume, na v̄umoja na waye, wao wahiriwa, watsahulwa, uwaaminifu.»

MUV̄ENULIO 21:22

Tsaona Nyumba Ndzitwaharifu v̄ale, mana Mwalatru Mungu, Monyewe Ushindzi, ɗe iNyumba Ndzitwaharifu yalo, v̄umoja na uMwana Ɓariɓari.

MUV̄ENULIO 21:23

liƊago kalatama lijua ɓila umwezi amba ziliwaliye, mana utukufu wa Mungu usuliunishia, na kombe lalo ɗe uMwana Ɓariɓari.

MUV̄ENULIO 3:4

Ata namuna iyo, una ɓaãdhwi ya watru Sardesu kawatria tsama nguo zawo. Watsendra v̄umoja na wami ha nguo ndjeu, mana waistahiki.

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.