MUV̄ENULIO 13:6 - Ha`bari Ndjema ya I Maore

⁶ Iɓua ihanyo yayo ile imukufuru Mungu, ikufuru lidzina lahe, na makazi yahe, na wao waketsio pev̄oni.

MUV̄ENULIO 13:6 ပူးပေါင်းရင်းမြစ်များ

MATIYO 12:34

Wanyu kaɓila za nyoha za peu! Ha namuna jeje mutsoshindrao murongowe trongo ndjema, waovu namuna mulio? Mana ɗe ha uwengi ulio rohoni, ɗe hanyo ilaguao.

MATIYO 15:19

Mana rohoni ɗe v̄ulawao fikira za peu, za uula, za uzindzi, za shahawa za peu, za uwidzi, ushahidi wa trambo, na ushirikina,

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

MAROMU 3:13

«Gandzi lawo la kaɓuri laɓuha; ha ulimi wawo wasudanganya.» «Malomoju hawo v̄wa sumu la nyoha.»

MAKOLOSIYA 1:19

Mana Mungu av̄endze amba piya ukamilifu wahe uke moni na uMwana,

MAKOLOSIYA 2:9

Mana haheju ɗe piya ukamilifu wa shiungu ulio v̄av̄o shimwili,

MAHEƁRANIYA 9:2

Kweli amba v̄uka v̄uundrwa Nyumba Ndzitwaharifu ya Haima. Moni na lifuko la handra layo lakohirwa Pa Dzitwaharifu, v̄uka ishihetsi-kombe, imeza, na yamadipe yatamaniwa Mungu.

MAHEƁRANIYA 9:24

Kweli amba Kristi waye kangia moni na Pa Dzitwaharifu lafanyiwa ha mihono ya wanadamu, lilio mufano wa lile lilio la kweli, ɓadi angia pev̄oni swafi-swafi, ile adziv̄enuwe av̄asa mbeli za Mungu ha faida yatru.

MUV̄ENULIO 11:12

Sa ile watru waili wale wakia ji lalawa pev̄oni lawaambia: «Namuheye hunu!» Ɓas, wahea pev̄oni moni na livingu, na maãduwi yawo yawaono.

MUV̄ENULIO 12:12

Ɓasi namufurahi wanyu zimbingu, na wanyu muziketsio! Ɓadi djondo trini hanyuju wanyu shiv̄andre ya tsi na iɓahari, mana Iɓilisa amushukiani na hasera mangavu, iv̄o ajuao amba wakati wahe wa mushashi.»

MUV̄ENULIO 15:5

Ɓaanda ya v̄ale tsiono iNyumba Ndzitwaharifu|Nyumba Ndzitwaharifu, liƁanga la Haima la Ushahidi liɓulwa pev̄oni,

MUV̄ENULIO 18:20

Furahi ha uangamifu walo, wawe mbingu! Wanyu wajau watwaharifu, Mav̄ingizi-Risala na wanyu mujudzao marongozi ya shi mutrume mwashukidziwa. Mana Mungu amuv̄ani haki ha umuhukumu.»

MUV̄ENULIO 21:3

Tsikia ulawa hari mwa ishiri ya ufalume ji lendza nguvu larongoa: «Tsini, makazi ya Mungu ya v̄umoja na uwanadamu. Atsoẽshi v̄umoja na wao, na wao watsoka umati wahe, na Mungu waye-waye atsoka na wao.

MUV̄ENULIO 4:1

Ɓaanda ya izo tsiangalia, ɓasi tsiono mulongo waɓuha pev̄oni. Na ji la handra lile naka nalikia lakolagua na wami mauri ɓaragumu, lirongoa: «Hea hunu, na wami nitsohuonesa izo zalazimu zihidjiri ɓaanda ya v̄anu.»

MUV̄ENULIO 4:4

Hari mwa ishiri ya ufalume ile, v̄uka v̄uzingidzia ziri za ufalume shirini na nne. Hari mwa ziri za ufalume zile, v̄uka v̄uketsi wadzaɗe shirini na wanne waka wapindra nguo ndjeu, na kemba ya dhahaɓu shitswani hawo.

MUV̄ENULIO 5:13

Amwesa kula shiumbe ilio mbinguni, uju na ishiv̄andre ya tsi, utsini na ishiv̄andre ya tsi na uju na iɓahari, piya zilio, tsizikia zakorongoa: «Ha Monyewe uketsi hari mwa ishiri ya ufalume na ha uMwana Ɓariɓari, sifa, hishima, utukufu na ushindzi daimani aɓada!»

MUV̄ENULIO 7:15

Iyo ɗe imana ata ‹walio mbeli na ishiri ya ufalume ya Mungu, wasumufanyia ĩɓada uku na mutsana moni mwa iNyumba Ndzitwaharifu yahe. Monyewe uketsi hari mwa ishiri ya ufalume atsowav̄ishidza ha umukayo wahe.

MUV̄ENULIO 7:9

Ɓaanda ya v̄ale, tsiono dunia ha uɓole ilio amba kav̄u ata mutru akoshindra aihasiɓu, ya kula nishani, kula kaɓila, kula umati, na kula luha. Waka wahimi mbeli na ishiri ya ufalume, tsena mbeli na uMwana Ɓariɓari, amwesa waka wapindri nguo ndjeu, wasiki na mahuri mihononi.