MUV̄ENULIO 13:3 - Ha`bari Ndjema ya I Maore

³ Moja hari mwa zitswa zayo ika mauri yakotsaha iulawe, ɓadi lidjaraha la shi ukatili lika liangala. Hari mwa ushangavu piya ulemengu uɗungu shinyama mbovu ile.

MUV̄ENULIO 13:3 ပူးပေါင်းရင်းမြစ်များ

LUKASI 2:1

Hari mwa uwakati ule, Kaiswara Augusti atoa ãmuri v̄ufanyiwe hisaɓu ya piya uwakazi wa zitsi zatawaliwa na Romu.

YUHANI 12:19

Ɓas, watru wa ishama ya Mafarisayo waambiana wao na wao: «Musuona? Kav̄u ata trongo mutsoshindrao muifanye. Namuangaliye, idunia imuɗungu!»

MAV̄INGIZI-RISALA 8:13

Ɓasi Simoni wajau aamini, na ɓaanda aɓaĩshiwa, kakomuɓaushia tsena Filiɓusa. Akoona ha ushangavu ziãlama ɓole za ãdjaɓu na midjuza zakofanyiwa.

MUV̄ENULIO 13:12

Yakorumia piya iyezi ya ishinyama mbovu ya handra ile matsoni hayo, tsena yakofanya namuna amba ishiv̄andre ya tsi na uwakazi wayo wakosudjudia ishinyama mbovu ya handra ile, ilio amba lidjaraha lakolazimu liiule, lika liv̄ono.

MUV̄ENULIO 13:14

Yakodanganya uwakazi wa ishiv̄andre ya tsi ha ziãlama za midjuza yaka yav̄olwa izifanye mbeli za ishinyama mbovu ya handra ile, ha uambia uwakazi wa ishiv̄andre ya tsi wafanye sanamwe la ishinyama ile yaka yakodza ha upanga, amwesa yaka yav̄ona, yaẽshi.

MUV̄ENULIO 17:10

Wao tsena wafalume saɓa, walio amba watsano wapuliha, moja a v̄av̄o, moja raha kaja; na amoja, alazimu aɓaki wakati mushashi.

MUV̄ENULIO 17:11

iShinyama mbovu ile yaka, kaisi tsena, wiyo-wiyo mufalume wa nane, alio wajau moja mengoni na saɓa wale, na iyo isendra hari mwa uangamifu.

MUV̄ENULIO 17:13

Wana nia moja, tsena wasuv̄a ishinyama mbovu ushindzi wawo na yezi yawo.

MUV̄ENULIO 17:17

Mana Mungu awatria rohoni watsimidze inia yahe, wakane nia moja na uv̄a ishinyama mbovu ufalume wawo, ata mupaka yamarongozi ya Mungu yatsimidzihe.

MUV̄ENULIO 17:6

Tsiono mutrumushe ule amba alewe ha idamu ya watwaharifu na idamu ya mazahidi wa Insa. Umuona yangu, tsiremwa na ushangavu muɓole.

MUV̄ENULIO 17:8

iShinyama mbovu ile waiona ika, ɓadi kaisi tsena. Isuja iheye ulawa Uzimu, amwesa yendre yaangamiye. uWakazi wa ishiv̄andre ya tsi yamadzina kayaka yaangihwa hari mwa ishio ya uhayati rangu uumuumbio wa lidunia, watsoshanga uona yawo ishinyama mbovu, mana ika, kaisi tsena, amwesa itsorudi ike.