MUV̄ENULIO 13:17 - Ha`bari Ndjema ya I Maore

¹⁷ tsena v̄wasuke ata mutru ashindra anunua ɓila uudza neka kasina iãlama, lidzina la ishinyama mbovu, au ihisaɓu ya lidzina layo.

MUV̄ENULIO 13:17 ပူးပေါင်းရင်းမြစ်များ

MAGALATWIYA 6:17

Rangu v̄anu, v̄usuke mutru anitaãɓisha, mana nisuv̄inga mwilini hangu ãlama za Insa.

MUV̄ENULIO 13:16

Amwesa ifanya amba piya, uwatiti na uwaɓole, matadjiri na zimasikini, warumwa na wendza unafasi, watrilwe ãlama hari mwa umuhono wa hume, au hari mwa uuso,

MUV̄ENULIO 13:18

V̄anu ɗe v̄utsahao hikima. Mwendza ãkili nahasiɓu ihisaɓu ya ishinyama mbovu, mana iyo hisaɓu ya shiuɓinadamu. Na ihisaɓu yayo sitamiya wa sitini na sita (666).

MUV̄ENULIO 14:11

Na umwesi wa matreso yawo usuhea dahari. Kawasina uv̄umuzi, tsi mutsana wala uku, wao waãɓuduo ishinyama mbovu na lisanamwe layo, na yotsi aparao iãlama ya lidzina layo.»

MUV̄ENULIO 14:9

Malayika yangina, ya raru, iziɗungu na urongoa ha ji lendza nguvu: «Yotsi aãɓuduo ishinyama mbovu na lisanamwe layo, tsena apara ãlama usoni au muhonoju,

MUV̄ENULIO 15:2

Tsiono tsena mauri ɓahari ya shiɗo yatsangana na moro, na wale washindra ishinyama mbovu na lisanamwe layo, na ihisaɓu ya lidzina layo, waka wahimi uju na iɓahari ya shiɗo ile, tsena waka wasiki yamadzendze ya Mungu.

MUV̄ENULIO 17:5

Hari mwa uso wahe v̄uka v̄uangihwa dzina la shifumbo amba: Ɓaɓiluna uMuɓole, mama wa yamasusu na ngudhilifu za ishiv̄andre ya tsi.

MUV̄ENULIO 20:4

Amwesa tsiono ziri za shiufalume. Wao waziketsia, wav̄olwa wahukumu. Tsiono tsena ziroho za wao wapulwa zizitswa ha siɓaɓu ya ushahidifu wa Insa na Urongozi wa Mungu, wao kawasudjudia ishinyama mbovu wala lisanamwe layo, tsena kawaka wapara iãlama hari mwa uuso wala hari mwa umuhono. Waregea hayi, amwesa watawala v̄umoja na Kristi muda wa maha alifu.

MUV̄ENULIO 22:4

Watsoona sura yahe, na lidzina lahe litsoka hari mwa zinguso zawo.

MUV̄ENULIO 3:12

Uwo ashindra nitsomufanya ake ngidzo moni na iNyumba Ndzitwaharifu ya Mungu wangu, tsena katsoilawia ata idahari. Nitsoangiha uju mwaye lidzina la Mungu wangu, na lidzina la liɗago la Mungu wangu, iYerusalemu pia ishukao ulawa pev̄oni ha Mungu wangu. Nitsoangiha raha uju mwaye lidzina pia langu.

MUV̄ENULIO 7:3

«Mwasurendreye mbovu ishiv̄andre ya tsi, ɓila iɓahari, wala yimiri, ata mupaka ritriye muhuri usoni mwa warumishi wa Mungu watru.»