MUV̄ENULIO 13:13 - Ha`bari Ndjema ya I Maore

¹³ Yakofanya ãlama ɓole za midjuza, ata ha ushukidza moro shiv̄andreju mwa tsi ulawa mbinguni, mbeli za wanadamu.

MUV̄ENULIO 13:13 ပူးပေါင်းရင်းမြစ်များ

MATIYO 16:1

Watru wa ishama ya Mafarisayo na ya Masadukayo wamujilia Insa. Ha utsaha wamudjereɓu, wamuambia awaonese ãlama ya midjuza ilawao ha Monyewe ziMbingu. [

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MARKUSI 13:22

Mana v̄utsohima makristi ya trambo, tsena v̄utsohima watru watsodzifanyao amba washukidziwa marongozi; watsofanya ãlama za ãdjaɓu na midjuza, ile, neka trongo mukinishiha, wadanganye wale watsahuliwa na Mungu.

2 TIMUTAUSU 3:8

Mauri ɗe Yanusu na Yambrusu wamukanyusa Musa, ɗe inamuna iyo wajau watru wao wakanyusao ikweli. Wao watru wendza ãkili zamenyeha walio amba hari mwa trongo ya uaminifu, wa hari mwa upotevu.

MUV̄ENULIO 11:5

Neka mutru asutsaha awarendreye mbovu, moro ulawa hanyoni hawo, amwesa uvudza maãduwi yawo. Ewa, neka mutru asutsaha awarendreye mbovu, ɓasi ilazimu aulawe namuna iyo.

MUV̄ENULIO 16:14

Yao madjini ya mazetwani yafanyao ãlama za midjuza na uendra ha uwafalume wa piya ishiv̄andre ya tsi iketsiwao, ile yawangulidze wa ikondro ya iSuku Ɓole ya Mungu Monyewe Ushindzi.

MUV̄ENULIO 19:20

iShinyama mbovu isikwa, na v̄umoja na wiyo ule akodzifanya amba ashukidziwa marongozi ya shi mutrume, ule alio amba akotsimidza mbeli zayo ãlama za midjuza zilio amba ha wizo akodanganya wale waka wapara iãlama ya ishinyama mbovu, tsena wakoãɓudu lisanamwe layo. Wao waili wavutswa na ziroho zawo moni na dzaha la moro v̄uvuao vu la shidzaha.

MUV̄ENULIO 20:9

Wahea hari mwa piya ishiv̄andre ya tsi, wazingidzia makao ya watwaharifu, liɗago dziv̄endzewa. Ɓadi moro ushuku ulawa pev̄oni, uwaangamidza.