MUV̄ENULIO 13:11 - Ha`bari Ndjema ya I Maore

¹¹ Amwesa tsiono shinyama mbovu yangina yakolawa shiv̄andreju mwa tsi. Ikana nyonga mbili zakofana na za mwana ɓariɓari, tsena yakolagua mauri shinyama ifanao na vwayi.

MUV̄ENULIO 13:11 ပူးပေါင်းရင်းမြစ်များ

MATIYO 7:15

«Namudzifahamishe na watru wa trambo wadzifanyao amba washukidziwa marongozi; wao umujiliani ha sura za maɓariɓari matrulivu, ɓadi moni hawo, wao wahali mauri mbwa nyeha.

MAROMU 16:18

Mana watru mauri ɗe wao kawasumurumishia Raɓi watru Kristi, ɓadi ɗe zimimba zawo. Ha marongozi mema yendza sifa, wao udanganya ziroho za wao kawafikiri.

2 MATESALONIKA 2:4

Uwo ɗe uMukanyusha adzihedzao uju na kula ihiriwao mungu, kula iãɓuduwao, tsena andrao ata aketsi moni mwa iNyumba Ndzitwaharifu ya Mungu, amwesa adzielehe amba ɗe Mungu.

MUV̄ENULIO 11:7

Wakati watsomalidzao ushahidi wawo, ishinyama mbovu ilawao Uzimu itsowana na wao, itsowashindra, amwesa itsowaula.

MUV̄ENULIO 12:17

Ɓasi v̄ale ishinyama ɓole ile ihadhaɓiha kinyume na umutrumushe, ilawa yawane kinyume na zilembwe zasalia zahe, wale wasika ãmuri za Mungu na uv̄inga ushahidi wa Insa.

MUV̄ENULIO 13:1

Wakati ule tsiono v̄ulawa ɓaharini shinyama mbovu yakana nyonga kumi na zitswa saɓa. Hari mwa zinyonga zayo v̄uka kemba kumi, na hari mwa zitswa zayo, v̄uka madzina ya shi ukufuru.

MUV̄ENULIO 13:17

tsena v̄wasuke ata mutru ashindra anunua ɓila uudza neka kasina iãlama, lidzina la ishinyama mbovu, au ihisaɓu ya lidzina layo.

MUV̄ENULIO 13:4

Watru waãɓudu ishinyama mufano wa vwayi ɓole ile mana ika iv̄a yezi shinyama mbovu ile. Watru waãɓudu ishinyama mbovu ile ha urongoa: «Mbani ɗe alio mufano wa ishinyama ini, ashindrao awane kinyume na wiyo?»

MUV̄ENULIO 16:13

Amwesa tsiono v̄ulawa hanyoni ha ishinyama ɓole mufano wa vwayi ile, na hanyoni ha ishinyama mbovu, na hanyoni ha umutrume wa trambo, madjini maovu mararu yakofana na ziwatrotro.

MUV̄ENULIO 17:6

Tsiono mutrumushe ule amba alewe ha idamu ya watwaharifu na idamu ya mazahidi wa Insa. Umuona yangu, tsiremwa na ushangavu muɓole.

MUV̄ENULIO 17:8

iShinyama mbovu ile waiona ika, ɓadi kaisi tsena. Isuja iheye ulawa Uzimu, amwesa yendre yaangamiye. uWakazi wa ishiv̄andre ya tsi yamadzina kayaka yaangihwa hari mwa ishio ya uhayati rangu uumuumbio wa lidunia, watsoshanga uona yawo ishinyama mbovu, mana ika, kaisi tsena, amwesa itsorudi ike.