MUV̄ENULIO 12:6 - Ha`bari Ndjema ya I Maore

⁶ Ɓadi umutrumushe atrala, andre padzaju, v̄ulio amba Mungu aka amurengeledzea v̄ahanu, ile alisiwe muda wa suku alifu wa miyateni wa sitini.

MUV̄ENULIO 12:6 ပူးပေါင်းရင်းမြစ်များ

MATIYO 4:11

Ɓas Iɓilisa amulawia, na malayika zija zimupara, zakomurumishia.

MUV̄ENULIO 12:14

Ɓasi maɓawa maili ya kwezi ɓole yav̄olwa umutrumushe, ile av̄euhe, andre padzaju, v̄ahanu hahe atsolisiwao hari mwa muda, mida, na inusu ya muda, mbali na inyoha.

MUV̄ENULIO 12:4

uMushia wayo wakogogora lifungu la raru la zinyora za mbinguni, na uwo uzivutsu shiv̄andreju mwa tsi. Shinyama ile ihimi mbeli za mutrumushe ule akwendra adze, ile iɗye mwana wahe amohisodza.

MUV̄ENULIO 13:5

Iv̄olwa hanyo ya urongoa marongozi ya udzirendra na ya ukufuru, tsena iv̄olwa yezi ya urendra muda wa mezi aruɓaini na mili.

MUV̄ENULIO 17:3

Ɓasi iniv̄ingi shiroho hari mwa padza. V̄ale tsiono mutrumushe aketsi uju na shinyama ndzukundru yajadzwa muangishio wa madzina ya ukufurina, amwesa ikana zitswa saɓa na nyonga kumi.