MUV̄ENULIO 12:1 - Ha`bari Ndjema ya I Maore

¹ V̄uv̄enuha kudura ɓole pev̄oni: mutrumushe apindrisiwa lijua, akana umwezi utsini na yimindru yahe, na kemba ya nyora kumi na mbili shitswani hahe.

MUV̄ENULIO 12:1 ပူးပေါင်းရင်းမြစ်များ

MATIYO 12:38

Ɓaanda ya v̄av̄o ɓaãdhwi ya Mafundi ya Sharia na ya watru wa ishama ya Mafarisayo wamuambia Insa: «Fundi, ratsov̄endza rihuone ufanye ãlama ya midjuza.»

MATIYO 24:30

V̄av̄o iãlama ya uMwana wa Mwanadamu itsov̄enuha mbinguni, na piya zikaɓila za shiv̄andreju mwa tsi zitsodzilaumu, wamoona uMwana wa Mwanadamu iv̄o atsojao hari mwa yamavingu ya uwinguni, ha ushindzi na utukufu muɓole.

MARKUSI 13:25

zinyora zitsopuliha ulawa mbinguni, na zingushindzi zilio hari mwa zimbingu zitsogudzusiwa.›

LUKASI 21:11

V̄utsoka midridrimio miɓole ya shiv̄andre ya tsi, na hari mwa mikaɓala na mikaɓala v̄utsoka mawaɗe ya peu yatupiao, na ndza. V̄utsoka trongo ɓole zirisidzao, na ãlama ɓole mbinguni.

LUKASI 21:25

«V̄utsoonehana ãlama hari mwa lijua, umwezi na zinyora; na shiv̄andreju mwa tsi zinishani zitsoremwa na trisidzo ha siɓaɓu ya ushangavu wawo na umutsutsuho wa iɓahari na yamaluja.

YUHANI 3:29

Monyewe umushe-harusi, ɗe ɓwana-harusi. Ɓadi mwandzani wa ɓwana-harusi alio ɓavuni, amukiao, ujiv̄iwa na ufurahi na liji la ɓwana-harusi. Ɓasi furaha ini ilio yangu, av̄asa ikamiliha.

MAV̄INGIZI-RISALA 2:19

Nitsofanya kudura mbinguni uju oho, na ãlama za midjuza utsini hunu shiv̄andreju mwa tsi, v̄utsoka damu, na moro, na visho la mwesi.

MAROMU 13:14

Ɓadi namudzipindrise Raɓi Insa Kristi, wala musudzishuhulise na itaɓia ya shiuɓinadamu ha ujiv̄idza zingushauku zayo.

MAROMU 3:22

Uwo muhakisho wa Mungu ha uaminifu na Insa-Kristi ha piya wao waaminio, wala kav̄u tafauti:

2 MAKORINTIYO 11:2

Tsina uwivu na wanyu, uwivu wa shi Mungu, mana tsimurumidziani mutrumume moja, ne ɗe Kristi, ile nimuv̄ingeni mbeli zahe amba mutrumushe-mwanamutsa arahara.

MAGALATWIYA 3:27

Kweli amba piya wanyu mwaɓaĩshiwa hari mwa uv̄umoja na Kristi, mumupindri Kristi.

MAGALATWIYA 4:26

Ɓadi iYerusalemu ya uju ya hari mwa unafasi, na wiyo ɗe ilio mayatru.

MAGALATWIYA 6:14

Hanguju wami, ata idahari tsatsodziɓua ha itsokao yotsi yangina neka tsi hari mwa umuri wa pawa wa Raɓi watru Insa-Kristi, muri ulio amba ha uwo, ulemengu uremwa mizumari ha wami, mauri ɗe namuna nilio ha ulemengu.

MAEFESO 5:32

V̄av̄o v̄wa ãdjaɓu ɓole, na wami yangu nisurongoa amba isumuhusu Kristi na iDjama Ndziwaminifu.

MUV̄ENULIO 1:20

Yahusu iãdjaɓu ya nyora saɓa waziona hari mwa muhono wa hume wangu, na zizihetsi-kombe saɓa za dhahaɓu, ɗe ini: zinyora saɓa, izo ɗe zimalayika za ziDjama Ndziwaminifu saɓa, na zizihetsi-kombe saɓa, ɗe ziDjama Ndziwaminifu wizo saɓa.»

MUV̄ENULIO 11:19

Na iNyumba Ndzitwaharifu ya Mungu ilio pev̄oni iɓulwa, na iɓweta ya umukataɓa|ɓweta ya mukataɓa wahe iv̄enuha moni na iNyumba Ndzitwaharifu yahe. Ɓasi v̄uka peni, maji, maguguma, mudridrimio wa ishiv̄andre ya tsi, na vua ɓole yafa ɓwe.

MUV̄ENULIO 12:3

Ɓasi v̄uv̄enuha kudura yangina mbinguni: shinyama ɓole mufano wa vwayi yendza range ndzukundru yaiva. Ikana zitswa saɓa na nyonga kumi, na hari mwa zitswa zayo, kemba saɓa.

MUV̄ENULIO 15:1

Amwesa tsiono tsena ãlama ya midjuza yangina pev̄oni, ɓole itaãdjaɓisao: malayika saɓa zaka zasika yamaɓa saɓa ya mwiso, mana ha yao ɗe ihadhaɓu ya Mungu itsimidzihao.

MUV̄ENULIO 21:14

iNgome ya liɗago ikana misingi kumi na mili, yaka yaangihwa yamadzina kumi na maili ya yaMav̄ingizi-Risala|Mav̄ingizi-Risala kumi na maili ya uMwana Ɓariɓari.

MUV̄ENULIO 21:23

liƊago kalatama lijua ɓila umwezi amba ziliwaliye, mana utukufu wa Mungu usuliunishia, na kombe lalo ɗe uMwana Ɓariɓari.