MUV̄ENULIO 11:3 - Ha`bari Ndjema ya I Maore

³ Nitsov̄a yamazahidi maili yangu yajudze marongozi ya shi mutrume yashukidziwa muda wa suku alifu wa miyateni wa sitini; na wao watsopindra maguni.»

MUV̄ENULIO 11:3 ပူးပေါင်းရင်းမြစ်များ

MATIYO 11:21

«Maondo hahoju, Korazinu! Maondo hahoju Ɓaitisaida! Mana na djeli zimidjuza zafanyishiha hari mwanyu zika zifanyishiha Tiro na Sidoni, rangu hale itsoka amba waonesa amba wandre toɓa ha upindra maguni na udziv̄aha vu.

MATIYO 18:16

Ɓadi neka kahuv̄ulishia, renga mutru moja au waili wahuɗunge, pare kula urongozi utsolawao uhakikishiwe na ushahidi wa watru waili au wararu.

LUKASI 10:13

«Maondo hahoju Kurazinu! Maondo hahoju Ɓaitisaida! Mana na djeli midjuza zafanyishiha hanyuju zika zifanyishiha Tiro na Sidoni, itsoka amba rangu hale ɗe wakazi wa malago yao wandra toɓa na udhiɓitisha itrongo ha upindra maguni na udziv̄aha vu.

LUKASI 24:48

Wanyu mwa mazahidi wa trongo zizo.

YUHANI 15:27

Na wanyu wajau mutsolawa ushahidi, mana mwa na wami rangu umwandro.»

YUHANI 3:27

Yahaya adjiɓu: «Mutru kashindri upara shitru neka kav̄olwayo na Mungu, Monyewe pev̄oni.

MAV̄INGIZI-RISALA 1:8

Ɓadi mutsopara ushindzi wakati iRoho Ndzitwaharifu itsomujiliaoni, amwesa mutsoka mazahidi yangu rangu Yerusalemu, piya iYudeya, na iSamariya, ata yimipaka ya ishiv̄andre ya tsi.»

MAV̄INGIZI-RISALA 13:31

Av̄enushia wale waka wahea na waye rangu Galilaya ata Yerusalemu, walio amba ɗe mazahidi yahe leo mbeli za uumati.

MAV̄INGIZI-RISALA 2:32

Ɗe Insa uwo Mungu amuregeza hayi, na wasi piyasi ra mazahidi.

MAV̄INGIZI-RISALA 3:15

Muulu likoho la uhayati, Monyewe uka amba Mungu amuregeza hayi ha ulawia ufa, na wasi ra mazahidi.

1 MAKORINTIYO 12:28

Na hari mwa iDjama Ndziwaminifu, Mungu ahetsi handrani Mav̄ingizi-Risala, ya v̄ili watru wajudzao marongozi washukidziwawo, ya raru watru wasomedzao. Yaɗunga ineema ya ufanya midjuza, amwesa ya uzihira, ya usaidi, ya uv̄inga, na ulagua tafauti za luha zashukidziwa.

2 MAKORINTIYO 13:1

Ini ɗe imara ya raru nijao hanyu. Na mauri ɗe inamuna yaangihwa: «Kula trongo itsotratrulwa ha marongozi ya mazahidi maili au mararu.»

MAEFESO 4:11

Waye ɗe afanya amba ɓaãdhwi wake Mav̄ingizi-Risala, wasalia wake watru wajudzao marongozi washukidziwawo, wasalia amba wajudzizi wa iHaɓari Ndjema, na wasalia amba watsunga, iv̄o watru wasomedzao waaminifu,

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,

MUV̄ENULIO 11:2

Ɓadi ishandza ya v̄ondze ya iNyumba Ndzitwaharifu|Nyumba Ndzitwaharifu, ilishe, usuiv̄ime, mana iyo ihetsiwa ya zinishani zangina. Watsotseresa ha mindru liɗago dzitwaharifu muda wa mezi aruɓaini na mili.

MUV̄ENULIO 11:6

Wana ushindzi wa uɓala uwingu amba v̄usushuke vua hari mwa zisuku watsojudzao marongozi ya shi mutrume washukidziwayo. Amwesa wana ushindzi wa ugaudza yamaji yafanyihe damu, na uv̄ondra ishiv̄andre ya tsi ha kula namuna ya ɓa, kula wakati watsahao.

MUV̄ENULIO 12:6

Ɓadi umutrumushe atrala, andre padzaju, v̄ulio amba Mungu aka amurengeledzea v̄ahanu, ile alisiwe muda wa suku alifu wa miyateni wa sitini.

MUV̄ENULIO 13:5

Iv̄olwa hanyo ya urongoa marongozi ya udzirendra na ya ukufuru, tsena iv̄olwa yezi ya urendra muda wa mezi aruɓaini na mili.

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»

MUV̄ENULIO 20:4

Amwesa tsiono ziri za shiufalume. Wao waziketsia, wav̄olwa wahukumu. Tsiono tsena ziroho za wao wapulwa zizitswa ha siɓaɓu ya ushahidifu wa Insa na Urongozi wa Mungu, wao kawasudjudia ishinyama mbovu wala lisanamwe layo, tsena kawaka wapara iãlama hari mwa uuso wala hari mwa umuhono. Waregea hayi, amwesa watawala v̄umoja na Kristi muda wa maha alifu.