MUV̄ENULIO 11:18 - Ha`bari Ndjema ya I Maore

¹⁸ ziNishani zingia hasera, ɓadi hadhaɓu yaho ija. Wakati wa uhukumu uwafu uja, na uv̄a thawaɓu warumishi waho, yimitrume, uwatwaharifu, v̄umoja na wao wariao lidzina laho, uwatiti na uwaɓole, na uangamidza wao waangamidzao ishiv̄andre ya tsi.»

MUV̄ENULIO 11:18 ပူးပေါင်းရင်းမြစ်များ

MATIYO 5:12

Namujiv̄iwe, tsena muke hari mwa furaha, mana thawaɓu zanyu zitsoka ɓole pev̄oni. Mana ɗe ha inamuna iyo ɗe yakotreswa yimitrume yav̄ira kaɓula ya wanyu.»

LUKASI 1:50

Na urehema wahe usurandra naswila ha naswila ha wao wamuriao.

MAHEƁRANIYA 9:27

Na mauri ɗe inamuna yahetsiwa ha mwanadamu amba afe mara moja, iv̄o hukuma ije,

MUV̄ENULIO 10:7

Ɓadi hari mwa zisuku imalayika ya saɓa itsojao ivudziye liɓaragumu layo, iãdjaɓu ya shi Mungu itsotsimidziha ha uɗunga izo ajudza warumishi wahe, ne ɗe yimitrume.

MUV̄ENULIO 11:2

Ɓadi ishandza ya v̄ondze ya iNyumba Ndzitwaharifu|Nyumba Ndzitwaharifu, ilishe, usuiv̄ime, mana iyo ihetsiwa ya zinishani zangina. Watsotseresa ha mindru liɗago dzitwaharifu muda wa mezi aruɓaini na mili.

MUV̄ENULIO 13:10

Mutru alio amba ahetsiwa afungwe, atsofungwa. Mutru alio amba ahetsiwa aulawe ha upanga, atsoulawa ha upanga. V̄av̄o ɗe v̄walazimiwani isuɓira na uaminifu za watwaharifu.

MUV̄ENULIO 13:16

Amwesa ifanya amba piya, uwatiti na uwaɓole, matadjiri na zimasikini, warumwa na wendza unafasi, watrilwe ãlama hari mwa umuhono wa hume, au hari mwa uuso,

MUV̄ENULIO 14:10

atsonwa waye wajau, uushi wa ihadhaɓu ya Mungu watsomolwa ɓila utsanganisiwa, moni na ishikombe ya hadhaɓu yahe. Atsotreswa moni na moro na vu la shidzaha mbeli na zimalayika ndzitwaharifu, na mbeli na uMwana Ɓariɓari.

MUV̄ENULIO 15:1

Amwesa tsiono tsena ãlama ya midjuza yangina pev̄oni, ɓole itaãdjaɓisao: malayika saɓa zaka zasika yamaɓa saɓa ya mwiso, mana ha yao ɗe ihadhaɓu ya Mungu itsimidzihao.

MUV̄ENULIO 15:7

Wakati ule moja mengoni mwa ziziumbe nne zendza roho zile iv̄a zimalayika saɓa zile zikombe saɓa za dhahaɓu zajaya na ihadhaɓu ya Mungu aẽshio mida ha mida.

MUV̄ENULIO 18:6

Namumurendre mauri ɗe namuna arendra, namumuliv̄e ata mara mbili izo afanya. Moni mwa ishikombe aɓuhudza, namumuɓuhudziye ata mara mbili.

MUV̄ENULIO 19:15

Hanyoni hahe v̄ulawa upanga utsindzao, ile ha uwo areme zinishani. Atsoziv̄inga zirundriye ha tsimbo ya shuma na utseresa zizaɓiɓu za iɓirika yav̄inga ihadhaɓu ɓole ya Mungu Monyewe Ushindzi.

MUV̄ENULIO 19:18

ile muɗye inyama ya mwili ya wafalume, nyama ya zitswa wa madjeshi, nyama ya wendza ushindzi, nyama ya farasi na ya wao wazipashiao, nyama ya piya, wendza unafasi na warumwa, watiti na waɓole.»

MUV̄ENULIO 19:5

Amwesa v̄ulawa ji shiriju mwa ufalume v̄ale, lakorongoa: «Namumusifu Mungu watru, piya wanyu warumishi wahe, wanyu mumuriao, watiti na uwaɓole!»

MUV̄ENULIO 20:12

Tsiono tsena uwafu, rangu waɓole ata watiti waka wahimi mbeli na ishiri ya ufalume. V̄uɓulwa zio, na shio yangina iɓulwa, ilio ɗe ishio ya uhayati. uWafu wahukumulwa ha uɗunga izo zaka zaangihwa moni na zizio ulawana na zitrendro zawo.

MUV̄ENULIO 20:15

Mutru yotsi kaparihana amba aangihwa moni na ishio ya uhayati, avutswa moni na lidzaha la moro.

MUV̄ENULIO 22:12

«Tsami nisuja tsi hale! Tsena nisuv̄inga v̄umoja na wami zithawaɓu zangu, ile niv̄e kula mutru ha uɗunga shitrendro yahe.