MUV̄ENULIO 11:17 - Ha`bari Ndjema ya I Maore

¹⁷ ha urongoa: «Risuhuhimidia Mwalatru Mungu Monyewe Ushindzi, wawe ulio tsena waka, mana urumia ushindzi muɓole waho, tsena uhetsi utawalizi waho.

MUV̄ENULIO 11:17 ပူးပေါင်းရင်းမြစ်များ

MATIYO 11:25

Wakati ule Insa arenge umurongo arongoa: «Nisuhuhimidia Ɓaɓa, Mola wa uwingu na ishiv̄andre ya tsi, iv̄o wadzamisia trongo zini uwendza ãkili na wendza ĩlimu, waziv̄enulia uwatiti.

LUKASI 10:21

Sa ile kamwe Insa afurahishiwa na iRoho Ndzitwaharifu, arongoa: «Nisuhutukuza Ɓaɓa, Mola wa uwingu na ishiv̄andre ya tsi, iv̄o wadzamisa trongo zizo ha uwendza hikima na ha uwendza ãkili, waziv̄enua ha uwatiti. Ewa, Ɓaɓa, nisuhutukuza mana uv̄endze zike namuna iyo.

YUHANI 11:41

Ɓas, watowo liɓwe. Sa ile Insa adzua yamatso, arongoa: «Ɓaɓa, nisuhuhimidia iv̄o wanivulishia.

2 MAKORINTIYO 2:14

Himida naimuendreleye Mungu ariv̄ingao daima hari mwa umusadjadja wa yamasherehi ya ushindrifu wahe, ha uv̄umoja watru na Kristi; na tsena, ha wasi, asuenedza kula v̄ahali iharufu ndzuzuri ya umujulihwano wahe.

2 MAKORINTIYO 9:15

Mungu nahimidiwe ha ineema kaina mufano yahe.

1 TIMUTAUSU 1:12

Nisumuhimidia Kristi-Insa Raɓi watru, uwo anihodarisha iv̄o aniona muaminifu ha unidjukumisa hari mwa urumishi,

MUV̄ENULIO 1:4

Wami Yuhani nisuangishia ziDjama Ndziwaminifu saɓa zilio hari mwa liɓavu la Aziya: Urehema na amani nazimuendreleyeni ulawa ha Uwo alio, aka, amwesa ajao, tsena ulawa ha ziroho saɓa zilio mbeli za ishiri ya ufalume yahe,

MUV̄ENULIO 1:8

Mwalatru Monyezi Mungu asurongoa: «Wami ɗe uMwandro, amma uMwiso, Uwo alio, aka, tsena ajao, Monyewe Ushindzi.»

MUV̄ENULIO 11:15

Ɓas, imalayika ya saɓa ivudzia liɓaragumu layo. Na v̄ale v̄ukilihana maji maɓole pev̄oni, yakorongoa: «Utawalizi wa lidunia ufanyiha wa Mwalatru na wa Kristi wahe, na waye atsotawala mida ha mida.»

MUV̄ENULIO 15:3

Wakohimba lidjimbo la Musa, umurumishi wa Mungu, na lidjimbo la uMwana Ɓariɓari: «Zitrendro zaho ɓole zendza ãdjaɓu, Mola Mungu, Monyewe ushindzi. Ndzia zaho za haki, tsena za kweli, wawe uMufalume wa zinishani.

MUV̄ENULIO 16:14

Yao madjini ya mazetwani yafanyao ãlama za midjuza na uendra ha uwafalume wa piya ishiv̄andre ya tsi iketsiwao, ile yawangulidze wa ikondro ya iSuku Ɓole ya Mungu Monyewe Ushindzi.

MUV̄ENULIO 16:5

Wakati ule tsikia imalayika ya yamaji irongoa: «Wawe wa haki, wawe ulio, tsena waka, wawe uMutwaharifu, iv̄o wanamua namuna iyo.

MUV̄ENULIO 16:7

Amwesa tsikia italatala ya masadaka irongoa: «Ewa, Mwalatru Mungu, Monyewe Ushindzi, yiminamuzi yaho ya kweli, tsena ya haki.»

MUV̄ENULIO 18:8

Ha siɓaɓu ya iyo, hari mwa suku moja-moja maɓa yahe yatsomujilia: ufa, musiɓa, ndza, tsena atsovudzwa hari mwa moro. Mana waye na nguvu, Mola Mungu amuhukumu.

MUV̄ENULIO 19:11

Ɓas, tsiono ipev̄o iɓuha, na tsio, v̄uv̄enuha farasi ndjeu. Mutru aipandra uhiriwa Muaminifu na Kweli. Waye unamua na uwana kondro ha haki.

MUV̄ENULIO 19:6

Sa ile tsikia mauri ji la dunia ha uwengi, mauri keme ya miro ya maji, tsena mauri keme ya maguguma yendza nguvu, yakorongoa: «Haleluya! Mana Mola Mungu watru, Monyewe Ushindzi, asutawala.