MUV̄ENULIO 11:16 - Ha`bari Ndjema ya I Maore

¹⁶ uWadzaɗe shirini na wanne wale waketsi mbeli za Mungu hari mwa ziri za ufalume zawo, wasudjudia ha unyamisa sura zawo v̄otsi na umuãɓudu Mungu

MUV̄ENULIO 11:16 ပူးပေါင်းရင်းမြစ်များ

MATIYO 19:28

Insa awaambia: «Nisumuambiani ha kweli, wakati wa uMuumbio Muv̄ia, uMwana wa Mwanadamu amoketsi hari mwa ishiri ya yezi ya utukufu wahe, wanyu mwaniɗunga mutsoketsi wajau hari mwa ziri za yezi kumi na mbili, ile muhukumu zingudjama kumi na mbili za Israila.

MUV̄ENULIO 19:4

Ɓasi uwadzaɗe shirini na wanne wale na ziumbe nne zendza roho zile wasudjudia na umuãɓudu Mungu aketsi hari mwa ishiri ya ufalume, ha urongoa: «Amina! Haleluya!»

MUV̄ENULIO 4:10

uwadzaɗe shirini na wanne wale wasusudjudia ule aketsi hari mwa ishiri ya ufalume, wasuãɓudu Monyewe uẽshi ha daima, na ulisha kemba zawo mbeli za ishiri ya ufalume ha urongoa:

MUV̄ENULIO 4:4

Hari mwa ishiri ya ufalume ile, v̄uka v̄uzingidzia ziri za ufalume shirini na nne. Hari mwa ziri za ufalume zile, v̄uka v̄uketsi wadzaɗe shirini na wanne waka wapindra nguo ndjeu, na kemba ya dhahaɓu shitswani hawo.

MUV̄ENULIO 5:14

Na ziumbe nne zendza roho zile zakorongoa: «Amina», na uwadzaɗe wale wakosudjudia na uãɓudu.

MUV̄ENULIO 7:11

Na piya zimalayika zika zihimi uzingidzia ishiri ya ufalume, uwadzaɗe, v̄umoja na ziumbe nne zendza roho zile. Wareme uso wawo v̄otsi mbeli na ishiri ya ufalume na usudjudia Mungu