MUV̄ENULIO 10:11 - Ha`bari Ndjema ya I Maore

¹¹ Ɓas tsiambilwa: «Ilazimu raha ulaguwe shi mutrume ashukidziwa marongozi yahusu uwengi wa umati, wa nishani, wa luha, na wafalume.»

MUV̄ENULIO 10:11 ပူးပေါင်းရင်းမြစ်များ

MUV̄ENULIO 10:10

Tsirenge umwana shio muhononi ha imalayika, amwesa tsimuɗyi. Hanyoni hangu ika ngizi mauri ya nyoshi, ɓadi wakati naiɗya, mimba yangu ingia nyongo.

MUV̄ENULIO 11:1

Tsiv̄olwa mupweke mufano wa tsimbo ya uv̄ima na uambilwa: «Hima, uv̄ime iNyumba Ndzitwaharifu ya Mungu na italatala ya masadaka, uhasiɓu na uwatru waãɓuduo moni mwayo.

MUV̄ENULIO 11:9

Watru wa kula umati, kula kaɓila, kula luha, na kula nishani watsoona zipindra zawo muda wa suku traru wa nusu, wala kawatsokuɓali zipindra zawo zatrilwa kaɓurini.

MUV̄ENULIO 14:6

Tsiono tsena malayika yangina yakov̄euha hari-hari na uwingu; ikana haɓari ndjema ya daima aijudze ha uwakazi wa ishiv̄andre ya tsi, ha kula nishani, ha kula kaɓila, ha kula luha na ha kula umati.

MUV̄ENULIO 17:10

Wao tsena wafalume saɓa, walio amba watsano wapuliha, moja a v̄av̄o, moja raha kaja; na amoja, alazimu aɓaki wakati mushashi.

MUV̄ENULIO 17:12

ziNyonga kumi waziona, zile wafalume kumi walio amba raha kawapara utawalizi, ɓadi watsoparao yezi ya shiufalume v̄umoja na ishinyama mbovu muda wa sa moja.

MUV̄ENULIO 17:15

Amwesa iniambia: «yaMaji wayaona yalio amba lisusu liyaketsia, zile ngumati, dunia za wanadamu, nishani na luha.

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.