MUV̄ENULIO 1:18 - Ha`bari Ndjema ya I Maore

¹⁸ Uwo alio hayi. Tsifu, na tsami tsa hayi mida ha mida, amwesa tsina yimifunguo ya ufa na ya Uzimu wa wafu.

MUV̄ENULIO 1:18 ပူးပေါင်းရင်းမြစ်များ

MATIYO 11:23

Ẽhẽ wawe Kafarnaumu, hali utsohedzewa ata mbinguni? Ata hata! Utsoshukidziwa ata uzimu ha uwafu. Mana na djeli zimidjuza zafanyishiha hahoju zika zifanyishiha ɗagoni Suduma, latsoẽshi ata ileo ini.

MATIYO 16:19

Nitsohuv̄a yimifunguo ya Utawalizi wa Monyewe ziMbingu: yotsi utsoifungao shiv̄andreju mwa tsi, itsofungwa mbinguni, na yotsi utsoiɓuliao shiv̄andreju mwa tsi, itsoɓuliwa mbinguni.»

LUKASI 24:5

Waremwa na trisidzo, ata wanyamisa sura zawo v̄otsi. Ɓadi watru wale wawaambia: «Manatrini muzunguhao mutru alio hayi hari mwa uwafu?

YUHANI 11:25

V̄ale Insa amuambia: «Wami ɗe umuregezeo hayi na uhayati. Monyewe uniamini, atsoẽshi, wala ukana asuja afariki.

YUHANI 14:19

Muda mushashi ɗe waɓaki, na ulemengu kautsoniona tsena, ɓadi wanyu mutsoniona. Iv̄o nilio hayi, wanyu wajau mutsoka hayi.

MAROMU 6:9

Mana risujua amba rangu Kristi alawa hari mwa ufa, aregezewa hayi, waye katsofa tsena, wala uufa kawamutawalia tsena.

2 MAKORINTIYO 13:4

Mana kweli amba aulawa ha uremwa mizumari muriju mwa pawa|muri wa pawa hari mwa ulemevu wahe, ɓadi a hayi ha ushindzi wa Mungu. Wasi wajau ra walemevu ha uv̄umoja watru na waye, ɓadi ritsoẽshi v̄umoja na waye ha ushindzi wa Mungu hari mwanyu.

MAGALATWIYA 2:20

v̄anu tsi wami tsena ɗe niẽshio, ɓadi Kristi ɗe aẽshio moni hangu. Maẽsha nilionawo leo ha umwili, nisuyaẽshi ha uaminifu na uMwana wa Mungu alio amba aniv̄endze, tsena adzitoa fidia ha siɓaɓu ya wami.

MAKOLOSIYA 3:3

Mana wanyu mufu, na uhayati wanyu utsitsiha v̄umoja na Kristi ha Mungu.

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 7:16

alio amba afanyiha Mutolezi tsi ha ãmuri ilawao hari mwa masharuti ya naswaɓa ya mwanadamu, ɓadi ha ushindzi wa uhayati ulio amba kauangamidzishiha.

MAHEƁRANIYA 7:25

Iyo ɗe imana ata ashindrao ahuyi ha daima wao wamujiliao Mungu ha ndzia yahe, mana asuẽshi dahari ile awadailiye.

MUV̄ENULIO 10:6

amwesa ilav̄a na Uwo aẽshio ha daima, aumba uwingu na izo zilio moni hawo, ishiv̄andre ya tsi na zilio moni hayo, iɓahari na zilio moni hayo, amba: wakati ukomo!

MUV̄ENULIO 15:7

Wakati ule moja mengoni mwa ziziumbe nne zendza roho zile iv̄a zimalayika saɓa zile zikombe saɓa za dhahaɓu zajaya na ihadhaɓu ya Mungu aẽshio mida ha mida.

MUV̄ENULIO 2:8

«Angishia imalayika ya iDjama Ndziwaminifu ya Smirna zini: Zini ɗe zirongolwao na Monyewe wa Handra, amma wa Hwisa, afa, amwesa aregea hayi.

MUV̄ENULIO 20:13

iƁahari iregeza uwafu waka moni mwayo, tsena ufa na Uzimu wa wafu ziregeza uwafu waka moni mwazo, na wao wahukumulwa, kula moja ulawana na zitrendro zahe.

MUV̄ENULIO 20:14

Amwesa ufa na Uzimu wa wafu zivutswa moni na lidzaha la moro. Uwo ɗe ufa wa v̄ili, lidzaha la moro.

MUV̄ENULIO 3:7

«Angishia imalayika ya iDjama Ndziwaminifu ya shi Filadelfiya zini: Zini ɗe zirongolwao na Uwo alio Mutwaharifu amma Kweli, Monyewe ukana umufunguo wa Daudu, Monyewe aɓuao wala kav̄u aɓalao, tsena aɓalao wala kav̄u aɓuao.

MUV̄ENULIO 4:9

Na kula wakati ziumbe zendza roho zile zitukuzao, zihishimuo, na uhimidia Monyewe uketsi hari mwa ishiri ya ufalume, Uwo aẽshio daima,

MUV̄ENULIO 5:14

Na ziumbe nne zendza roho zile zakorongoa: «Amina», na uwadzaɗe wale wakosudjudia na uãɓudu.

MUV̄ENULIO 6:8

Tsiangalia na tsio, tsiono farasi yendza range djifu. Mutru aka aipandra akana lidzina la Wafati, na Uzimu wa uwafu uka umuɗungu. Wav̄olwa ushindzi hari mwa lifungu la nne la ishiv̄andre ya tsi, ile waangamidze wanadamu ha upanga, ha ndza, ha maradhi yaulao, na ha zinyama nyeha za shiv̄andreju mwa tsi.

MUV̄ENULIO 9:1

iMalayika ya tsano ivudzia liɓaragumu. Ɓasi tsiono nyora yapuliha shiv̄andreju mwa tsi ulawa mbinguni. Iv̄olwa umufunguo wa ishisima iwaswilishao Uzimu.