MUV̄ENULIO 1:10 - Ha`bari Ndjema ya I Maore

¹⁰ usikwa yangu na iRoho suku ya Raɓi. Na v̄av̄o tsikia nyuma hangu ji lendza nguvu mauri ɓaragumu

MUV̄ENULIO 1:10 ပူးပေါင်းရင်းမြစ်များ

MATIYO 22:43

Ɓas, awaambia: «Ha namuna jeje ɓasi, ata uv̄ingwa yahe na iRoho, Daudu amuhira ‹*Raɓi› wakati arongoa:

YUHANI 20:19

Mahariɓi ya isuku ya handra ya umufumo, yimilongo ya v̄ahanu maswihaɓa waka wangulidzana yika yiɓalwa, ha siɓaɓu ya trisidzo lawo na yaMayahudi. Sa ile Insa aja, ahimi hari mwawo, awaambia: «Salama ju lanyu!»

YUHANI 20:26

Ɓaanda ya suku nane, yamaswihaɓa yaka raha moni na inyumba, na Tomasi aka na wao. Ɓasi Insa aja, na yimilongo yika yiɓalwa; ahimi hari mwawo, arongoa: «Salama ju lanyu!»

MAV̄INGIZI-RISALA 20:7

Mufumov̄ili rika ringulidzana ha ukutrua lidipe la Unahanizi. Ɓaulusu akosomedza yamaswihaɓa, na ɓaanda akolawa isuku ya v̄ili, aendrelea na musomo wahe ata hari-hari ya uku.

1 MAKORINTIYO 12:3

Ha izo, nisutsaha muelewe amba kav̄usi alaguao ha iRoho ya Mungu arongoao: «Insa nalaãnwe», wala kav̄usi ashindrao arongowe: «Insa ɗe Raɓi», neka tsi ha iRoho Ndzitwaharifu.

1 MAKORINTIYO 16:2

Kula mutru mengoni mwanyu isuku ya handra ya mufumo, nagamise hahe iyo atsoshindrao ha ikadiri yahe, ile watru wasulindre naja iv̄o v̄wafanyiwa umutsango.

MUV̄ENULIO 17:3

Ɓasi iniv̄ingi shiroho hari mwa padza. V̄ale tsiono mutrumushe aketsi uju na shinyama ndzukundru yajadzwa muangishio wa madzina ya ukufurina, amwesa ikana zitswa saɓa na nyonga kumi.

MUV̄ENULIO 21:10

Ɓas, iniv̄ingi shiroho uju na mulima muɓole, tsena mundra, inionesa liƊago Dzitwaharifu, iYerusalemu, yakoshuka ulawa pev̄oni ha Mungu,