MATIYO 9:8 - Ha`bari Ndjema ya I Maore

⁸ Wakati idunia yaona trongo zile, ingiliwa na faza, tsena yakomutukuza Mungu, iv̄o av̄a wanadamu yezi mauri ɗe ile.

MATIYO 9:8 ပူးပေါင်းရင်းမြစ်များ

MATIYO 12:23

Ɓas, piya idunia yaka v̄ale iremwa na ushangavu, ata yakorongoa: «Afa ule tsi ɗe uMwana wa Daudu|Mwana wa Daudu mwa?»

MATIYO 15:31

V̄ale idunia yakoshanga halisi iv̄o wakoona amba maɓuɓu yakolagua, wendza zifeli wakopara unono, magoɓo yakorengelea uendra, na wafa-matso wakoona. Ha izo, wakomutukuza Mungu wa Israila.

MATIYO 28:18

Insa atsengelea, amwesa awaambia: «Piya yezi tsiv̄olwayo rangu mbinguni ata shiv̄andreju mwa tsi.

MATIYO 5:16

Ɓasi ha inamuna iyo, iheu yanyu naiwale mbeli za wanadamu, pare waone zitrendro ndjema zanyu, wamutukuze Ɓaɓanyu Mungu alio mbinguni.»

MATIYO 9:7

Ɓas, mutru ule ahimi, andre dzahe hahe.

MARKUSI 2:12

Sa na isa ile ahimi, arenge ɗalo lahe, alawa mbeli za piya watru waka v̄ale, ha namuna ya uka amba piyawo waremwa na ushangavu na umutukuza Mungu ha urongoa: «Karaparoona trongo mauri ɗe ini!»

MARKUSI 7:37

Ɓas, waka hari mwa ushangavu muɓole halisi, tsena wakorongoa: «Asufanya piya ha uzuri. Asufanya ata wafa-makio wakiye, na maɓuɓu yalaguwe!»

LUKASI 13:13

Amukadza yimihono, na sa ɗe wiyo ile aondzoha, amutukuza Mungu.

LUKASI 17:15

Moja mengoni mwawo v̄ale wakati aona amba azihiriha, aregea, amutukuza Mungu ha ji lendza nguvu.

LUKASI 17:18

Kav̄u ata mutru aregea, aje amutukuze Mungu neka tsi ɗe mudjeni unu?»

LUKASI 18:43

Sa na isa ile arudi aono, amwesa amuɗungu Insa ha umutukuza Mungu. Piya uwatru uona yawo trongo ile, wamusifu Mungu.

LUKASI 2:20

Na watsunga-maɓariɓari wale waregea dzawo ha umutukuza Mungu na umusifu, ha siɓaɓu ya piya zile wazikia na uziona, trongo zahidjiri piya namuna waka waambilwazo.

LUKASI 23:47

Dhwamana wa yamadjeshi uona yahe trongo zile zahidjiri v̄ale, amutukuza Mungu na urongoa: «Ha kweli mutru unu aka arahara!»

LUKASI 7:16

Piya watru wasikwa na faza, wamutukuza Mungu ha urongoa: «Mutrume muɓole aja av̄enuha hari mwasi!» Na tsena: «Mungu aja aangalia umati wahe.»

YUHANI 15:8

Tsini itrongo iv̄ingao utukufu ha Ɓaɓangu, ɗe wanyu uv̄inga mavuna ha uwengi, na v̄av̄o mutsodhiɓitisha amba wanyu maswihaɓa yangu.

MAV̄INGIZI-RISALA 11:18

Ɓaanda wakia trongo zile, watrulia, amwesa wamutukuza Mungu ha urongoa: «Ɓasi v̄av̄o Mungu adjaãlia wajau watru wa zinishani zangina wandre toɓa, ndzia iv̄ingao hari mwa uhayati mukamilifu.»

MAV̄INGIZI-RISALA 21:20

Ɓaanda wamukia, wamutukuza Mungu, amwesa wamuambia Ɓaulusu: «Usuona, mwananyatru, amba mialifu na mialifu ya Mayahudi waja waamini, na piyawo wana djitihadi na iSharia.

MAV̄INGIZI-RISALA 4:21

Wakati ule watru waɓole wale wawatahadharisha mara yangina tsena, amwesa wawajeledza; ha siɓaɓu ya idunia kawapara ndzia ya uwav̄a zifungo, mana piyawo wakomutukuza Mungu na itrongo ile yahidjiri.

2 MAKORINTIYO 9:13

Ha udhiɓitifu wa urumishi wanyu uwo, wao wasumutukuza Mungu ha siɓaɓu ya utuĩvu wanyu wamuv̄ingani mukuɓali ha dhwahiri iIndjili ya Kristi na ha siɓaɓu ya utolezi musada wanyu ha uwengi hawoju, na ha piya.

MAGALATWIYA 1:24

Na wao wakomutukuza Mungu ha siɓaɓu ya wami.

1 MONYE 2:12

Namukane maendreleo mazuri mbeli na watru kawamuji Mungu, ile pare v̄ahanu kamwe wamurongoaoni amba wanyu warendrezi-mbovu, waone zitrendro ndjema zanyu, amwesa wamutukuze Mungu isuku ya umujilio wahe.