MATIYO 9:6 - Ha`bari Ndjema ya I Maore

⁶ Ɓadi ile mujuwe amba uMwana wa Mwanadamu|Mwana wa Mwanadamu ana yezi shiv̄andreju mwa tsi ya uswamihi madhambi.» Sa ile aambia shirewe ile: «Hima, renga ɗalo laho, wendre haho!»

MATIYO 9:6 ပူးပေါင်းရင်းမြစ်များ

MATIYO 4:24

Ɓas, sifa zahe zienea hari mwa piya iSiriya. Akov̄ingiwa piya wao wakokodza na kula aina ya uwaɗe na utungu, rangu wendza mazetwani, wendza kifafa, ata wafa uv̄andre, na waye akowazihira.

MATIYO 8:20

Insa amudjiɓu: «Pahavuɓa zina magumbo, na zinyunyi za hawani zina mahara; ɓadi uMwana wa Mwanadamu|Mwana wa Mwanadamu kasina v̄ahanu v̄wa uladza ishitswa yahe.»

MATIYO 9:2

Na hule av̄ingiwa shirewe, aka aladzwa hari mwa ɗalo. Wakati Insa aona uaminifu wawo, aambia shirewe ile: «Dzitriye ɓari mwandzani, madhambi yaho yaswamihiwa.»

MATIYO 9:5

Iv̄i ɗe ndzangu ya urongoa: ‹Madhambi yaho yaswamihiwa›, au ɗe urongoa: ‹Hima, wendre›?

MATIYO 9:7

Ɓas, mutru ule ahimi, andre dzahe hahe.

MARKUSI 2:10

Ɓadi ile mujuwe amba uMwana wa Mwanadamu|Mwana wa Mwanadamu ana yezi ya uswamihi madhambi shiv̄andreju mwa tsi...» Aambia shirewe ile marongozi yanu:

MARKUSI 2:7

«Manatrini mutru unu alaguao namuna ini? Asukufuru! Mbani ashindrao aswamihi madhambi, neka tsi ɗe Mungu weke wahe?»

LUKASI 5:21

Sa ile Mafundi ya Sharia na Mafarisayo waandrisa udzisana ha urongoa: «Unu mutru trini akufuruo? Mbani ashindroswamihio madhambi neka tsi Mungu weke?»

YUHANI 10:28

Nisuwav̄a uhayati mukamilifu wa daima. Kawatsoparwa na uangamifu ata idahari, wala kav̄u mutru atsoniv̄osheaowo muhononi hangu.

YUHANI 17:2

amwesa iv̄o wamuv̄a yezi hari mwa kula shiumbe mwanadamu, av̄e uhayati mukamilifu wa daima ha piya wao wamuv̄awo.

YUHANI 5:27

amwesa amuv̄a yezi ya uhukumu, mana waye ɗe uMwana wa Mwanadamu|Mwana wa Mwanadamu.

YUHANI 5:8

Ɓas, Insa amuambia: «Hima, urenge ɗalo laho, wendre.»

MAV̄INGIZI-RISALA 5:31

Mungu amuhedza humeni hahe ake ɗe uMushangirizi amma uMuhuyifu, ile av̄e iIsraila indzia ya uendra toɓa, na umuswamaha wa yamadhambi.

MAV̄INGIZI-RISALA 9:34

Ɓas, Monye amuambia: «Eneyasi, Insa-Kristi asuhuv̄onesa. Hima, urengeledze ishitrandra yaho.» Sa na isa ile ahimi.

2 MAKORINTIYO 2:10

Na uwo mwamuswamihi, wami wajau nisumuswamihi. Namoswamihi, neka amba v̄wa trongo ya wami uswamihi, ɗe ha siɓaɓu ya wanyu mbeli za Kristi,

2 MAKORINTIYO 5:20

Ɓasi wasi mawakala wa Kristi, na Mungu waye-waye ɗe amuhiraoni ha ndzia yatru. Risumumiani ha lidzina la Kristi, namudzilishe muparanisiwe na Mungu.

MAEFESO 4:32

Namuke wema na roho zendza poreho wanyu na wanyu; namuswamihiane, mauri ɗe inamuna Mungu amuswamihini ha uv̄umoja wanyu na Kristi.

MAKOLOSIYA 3:13

Namustahamiliane wanyu na wanyu, tsena muswamihiane, neka amba v̄wa aliona trongo kinyume na munyahe. Mauri ɗe iheli Mola amuswamihini, namufanye namuna iyo wajau.