MATIYO 9:17 - Ha`bari Ndjema ya I Maore

¹⁷ Wala mutru katria trembo lajemwa av̄asa moni na ziya za ngwezi zaɗuhwa. Mana neka ɗe namuna iyo, litrembo pia lile litsofumua ziya zile, litrihe, na ziziya ziangamiye. Ɓadi mutru utria trembo lajemwa av̄asa moni na ziya pia, na v̄av̄o djimlani hazo uhifadhwiha.»

MATIYO 9:17 ပူးပေါင်းရင်းမြစ်များ

MATIYO 9:16

Mutru kareme shipandre ya shitamba pia hari mwa nguo yaɗuhwa, mana shitamba pia ile urandrua inguo ile yaɗuhwa, na ligatra litsoka ɓole zaidi.

MATIYO 9:18

Wakati Insa akoambia watru wale trongo zile, v̄uja dhwamana, avundzu malondro mbeli zahe, amuambia: «Mwana mutrumushe wangu afariki av̄asav̄anu. Ɓadi tafadali uje umukadze umuhono, na waye atsoẽshi.»

MARKUSI 2:22

Wala mutru katria trembo lajemwa av̄asa moni na ziya zaɗuhwa za ngwezi. Mana neka ɗe namuna iyo, litrembo pia lile lamovundra, litsopasua ziya za ngwezi zile, tsena litrembo na ziziya zitsoangamia. Ɓadi ilazimu trembo lajemwa av̄asa litrilwe moni na ziya pia za ngwezi.»

LUKASI 5:37

Wala kav̄u mutru arengao trembo lajemwa av̄asa, alitriye moni na ziya zaɗuhwa za ngwezi. Mana neka ɗe namuna iyo, litrembo la av̄asa lile litsopasua ziya za ngwezi zile, litrihe, na ziziya ziangamiye.

LUKASI 5:38

Ɓadi ilazimu trembo lajemwa av̄asa litrilwe moni na ziya za ngwezi pia.