MATIYO 9:13 - Ha`bari Ndjema ya I Maore

¹³ Namwendre mwasome imana ya urongozi unu: ‹Nisutsaha urehema, ɓadi tsi sadaka!› Wami v̄angu tsaja nahira warahara, ɓadi maãswifu.»

MATIYO 9:13 ပူးပေါင်းရင်းမြစ်များ

MATIYO 12:3

Insa awadjiɓu: «Kamwasoma itrongo Daudu aifanya wakati aka asikwa na ndza, waye na uwatru wahe?

MATIYO 12:5

Na tsena, hali kamwasoma moni na iSharia amba Suku za Uv̄umuzi, yaMatolezi-Masadaka utadi iSharia ya iSuku ya Uv̄umuzi ha ufanya hazi zawo moni na iNyumba Ndzitwaharifu, wala wao kawakoso?

MATIYO 12:7

Na djeli mwakoelewa imana ya urongozi unu: ‹Nisutsaha urehema, ɓadi tsi sadaka›, ɓasi kamwatsolaumu watru kawasina kosa.

MATIYO 19:4

Adjiɓu: «Kamwasoma hari mwa uMuangishio amba Mungu aumbu rangu mwandro mutruɓaɓa na mutrumama?

MATIYO 21:42

Ɓas Insa awaambia: «Hali kamwaparosoma moni na uMuangishio Mutwaharifu zini? Amba: ‹Liɓwe waundrizi walilatsa, ɗe larendreha liɓwe mahususu la nyongaju. Iyo ilawa ha Mola, na iyo ãdjaɓu matsoni hatru.›

MATIYO 3:2

ha urongoa: «Namwendre toɓa, mana Utawalizi wa Monyewe ziMbingu, ukuruɓia.»

MATIYO 3:8

Ɓasi namutowe mavuna yaonesao amba kweli mwendre toɓa,

MATIYO 4:17

Rangu v̄ale Insa aandrisa uĩdhia ha urongoa: «Namwendre toɓa, mana Utawalizi wa Monyewe ziMbingu ukuruɓia!»

MARKUSI 12:26

Ɓadi zahusu umuregezeo hayi wa uwafu, hali kamwasoma moni na ishio ya Musa, itrongo Mungu amuambia wakati umwana muri wakovua? Amba: ‹Wami ɗe Mungu wa Iɓrahima, Mungu wa Isiaka, na Mungu wa Yaãkuɓu.›

MARKUSI 12:33

Na mutru umuv̄endza ha piya umo wahe, ha piya fikira zahe, na ha piya zinguvu zahe, na mutru umuv̄endza munyahe mauri ɗe iwaye yahe, iyo muhimu rahana piya makafara yavudzwa na masadaka.»

MARKUSI 2:17

Insa ukia yahe trongo zile, awaambia: «Tsi ɗe walio wanono watsahao twaɓiɓu, ɓadi ɗe wawaɗe. Tsaja nahira watuĩvu, ɓadi ɗe maãswifu.»

LUKASI 10:26

Insa amudjiɓu: «Trini ɗe yaangihwa moni na iSharia? Trini ɗe uisomao?»

LUKASI 19:10

Mana uMwana wa Mwanadamu aja azunguhe na uhuyi wao wapotea.»

LUKASI 24:47

Na itrongo ya uendra toɓa na yamadhambi yaswamihiwa, zilazimu zijudziwe ha lidzina lahe ha piya zinishani, uandrisa rangu Yerusalemu.

LUKASI 5:31

V̄ale Insa arenge umurongo, awaambia: «Tsi ɗe wendza unono watsahao twaɓiɓu, ɓadi ɗe wawaɗe.

LUKASI 5:32

Tsaja nahira warahara, ɓadi ɗe maãswifu wandre toɓa.»

YUHANI 10:34

Insa awadjiɓu: «Hali kayaangihwa moni na iSharia yanyu amba Mungu arongoa: ‹Wanyu miungu›?

MAV̄INGIZI-RISALA 11:18

Ɓaanda wakia trongo zile, watrulia, amwesa wamutukuza Mungu ha urongoa: «Ɓasi v̄av̄o Mungu adjaãlia wajau watru wa zinishani zangina wandre toɓa, ndzia iv̄ingao hari mwa uhayati mukamilifu.»

MAV̄INGIZI-RISALA 2:38

Monye awadjiɓu: «Namwendre toɓa, amwesa kula mutru hari mwanyu naɓaĩshiwe ha lidzina la Insa-Kristi, ile mupare muswamaha wa yamadhambi yanyu; v̄av̄o mutsodjaãliwa ineema ya iRoho Ndzitwaharifu.

MAV̄INGIZI-RISALA 20:21

ha uhira rangu yaMayahudi ata tsi Mayahudi, wazingise roho zawo ha Mungu na umuamini Raɓi watru Insa-Kristi.

MAV̄INGIZI-RISALA 3:19

Ɓasi namwendre toɓa, muparane na Mungu, ile madhambi yanyu yazimwe,

MAV̄INGIZI-RISALA 5:31

Mungu amuhedza humeni hahe ake ɗe uMushangirizi amma uMuhuyifu, ile av̄e iIsraila indzia ya uendra toɓa, na umuswamaha wa yamadhambi.

2 MONYE 3:9

Raɓi kasuhomesa umutsimidzio wa uwahadi, mauri ɗe inamuna ɓaãdhwi waifikirio, ɓadi asusuɓiri mbeli zanyu, mana kasutsaha v̄waka ata moja aangamia, ɓadi piya wandre toɓa.