MATIYO 8:8 - Ha`bari Ndjema ya I Maore

⁸ Ɓadi djukuma ule amudjiɓu: «Mutukufu, tsastahiki wawe ungia ɗagoni hangu; rongoa trongo moja tu, na mutru wa hazi wangu atsov̄ona.

MATIYO 8:8 ပူးပေါင်းရင်းမြစ်များ

MATIYO 3:11

Wami nisumuɓaĩshani ha maji, ike udhiɓitifu amba mwendre toɓa. Ɓadi uwo ajao unyuma hangu, ana ushindzi rahana wami: tsastahiki ata uv̄inga kaɓwa zahe. Waye atsomuɓaĩshani ha iRoho Ndzitwaharifu, na ha moro.

MATIYO 3:14

Ɓadi Yahaya akohara ha urongoa: «Wami ɗe nalazimu niɓaĩshiwe na wawe, na v̄anu usuja unipare ɗe wami!»

MATIYO 8:3

Sa ile Insa av̄eleha umuhono, amusiki, amwesa arongoa: «Nisuitsaha, twaharishiha!» Sa na isa ile mutru ule atwaharishiha na uwenefu wahe ule.

MATIYO 8:7

Ɓas Insa amuambia: «Nitsendra namuv̄onese.»

MATIYO 8:9

Mana wami ne tsa utsini na ãmuri za waɓole wangu, tsina madjeshi utsini mwangu. Namoambia moja: ‹Endra›, na waye uendra; neka tsiambia wangina: ‹Ko›, waye uja; na mutru wa hazi wangu namomuambia: ‹Fanya jau›, waye uifanya.»

LUKASI 15:19

Tsastahiki tsena uhiriwa amba mwana waho. Ɓadi nirenge mauri moja mengoni mwa watru wa hazi waho.» ›

LUKASI 15:21

Mwana ule amuambia: ‹Ɓaɓangu, tsiãswi uwingu, na mbeli zaho. Tsastahiki tsena uhiriwa amba mwana waho.›

LUKASI 5:8

Wakati Simoni Monye aona trongo zile, avundzu malondro mbeli za Insa, amwesa amuambia: «Mutukufu, nilawiye, mana wami muãswifu.»

YUHANI 1:27

Waye asuja nyuma hangu, na wami tsisustahiki ata uɓulia umukandra wa zikaɓwa zahe.»