MATIYO 8:4 - Ha`bari Ndjema ya I Maore

⁴ Insa amuambia: «Fahamu, usuambiye ata mutru trongo izo. Ɓadi endra wadzionese ha Mutolezi-Masadaka, utowe lisadaka laãmurishiwa na Musa, ile ike ushahidifu mbeli zawo.»

MATIYO 8:4 ပူးပေါင်းရင်းမြစ်များ

MATIYO 10:18

Mutsov̄ingwa mbeli za mawakala na wafalume ha siɓaɓu ya wami, pare mulawe ushahidi mbeli zawo, na mbeli za wale kawamuji Mungu.

MATIYO 16:20

Ɓas, afahamisha yamaswihaɓa ha kusudi wasuambiye ata mutru amba waye ɗe Kristi.

MATIYO 17:9

Iv̄o wakoshuka mulimani hule, Insa awafahamisha zini: «Musuambiye ata mutru nida ile mwaiona, mupaka uMwana wa Mwanadamu|Mwana wa Mwanadamu aregezewe hayi ulawa ha uwafu.»

MATIYO 3:15

Ɓadi Insa amudjiɓu: «Lisha tu ike namuna iyo av̄asa. Mana ɗe ha inamuna iyo ɗe yastahiki ritsimidze piya izo zilio za haki.» Ɓas, v̄ale Yahaya akuɓali.

MATIYO 5:17

«Mwasufikiri amba tsija ha uzima iSharia au yimisomo ya yimitrume. Tsaja nazima, ɓadi nitsimidze.

MATIYO 6:1

«Namudzifahamishe ufanya ĩɓada zanyu mbeli za wanadamu pare muonehane; neka tsi namuna iyo, kamutsopara thawaɓu ha Ɓaɓanyu alio mbinguni.

MATIYO 9:30

Ɓas, matso yawo yaɓuha. V̄ale Insa awafahamisha ha kusudi zini: «Namufahamu, v̄wasuke ata mutru ajua trongo iyo.»

MARKUSI 13:9

Ɓadi wanyu, namudzifahamishe nafusi zanyu. Mana watru watsomuv̄elehani mbeli za mahakama, na uɓuɓulwa zengwe moni na ziNyumba za Uswali. Mutsov̄elehwa mbeli za mawakala na mafalume ha siɓaɓu ya wami, ile muv̄inge ushahidifu wanyu mbeli zawo.

MARKUSI 3:12

Ɓadi Insa ayafahamisha ha kusudi yasumutrangaze.

MARKUSI 5:43

Insa awaɓalidza ha kusudi amba v̄wasuke ata mutru ajua trongo zahidjiri v̄ale; tsena awaambia wamuv̄e mwana ule shahula aɗye.

MARKUSI 6:11

Neka amba v̄wa v̄ahanu watru wahara umukariɓisani wala umuvulishiani, namuv̄ulawiye, muv̄aruse lidjifu la mindru yanyu, ike ushahidi kinyume na wao.»

MARKUSI 7:36

Insa awafahamisha wasuambiye mutru atsokao yotsi. Ɓadi ha ikiyasi akowafahamisha, wakozidi uzijudza.

MARKUSI 8:30

Sa ile Insa awafahamisha ha kusudi wasuambiye ata mutru yamuhusu.

MARKUSI 9:9

Ushuka yawo ulawa mulimani, Insa awafahamisha wasutoleye hadisi ata mutru trongo zile waziona, ata mupaka ike amba uMwana wa Mwanadamu|Mwana wa Mwanadamu aregea hayi ulawa ufaju.

LUKASI 17:14

Uwaona yahe, awaambia: «Namwendre mwadzionese ha yaMatolezi-Masadaka.» Ɓas, ulawa yawo v̄ale amba wasendra, wazihiriha.

LUKASI 21:13

Zizo zitsomuhidjiriani ile ike ndzia hanyuju ya unitolea ushahidi.

LUKASI 4:41

Mazetwani tsena yakolawia watru wengi ha ushelemedza na urongoa: «Wawe ɗe uMwana wa Mungu!» Ɓadi akoyaãmurisha na uyaɓalidza ulagua, mana yakojua amba waye ɗe Kristi.

LUKASI 5:14

Amwesa amuambia: «Usuambiye mutru atsokao yotsi trongo zini, ɓadi endra wadzionese ha Mutolezi-Masadaka, tsena utowe sadaka ha uɗunga izo zaãmurishiwa na Musa, ile ike ushahidifu mbeli za watru.»

LUKASI 8:56

V̄ale wadjemazahe wa umwana mutrumushe ule washanga. Ɓadi awaɓalidza wasuambiye mutru atsokao yotsi trongo zile zahidjiri.

LUKASI 9:21

Ɓadi Insa awaãmurisha wasuambiye ata mutru trongo ile.

YUHANI 5:41

Utukuziwa na wanadamu tsi ɗe niitsahao.

YUHANI 7:18

Mutru alaguao ha iwaye yahe, uwo asutsaha sifa zahe monyewe. Ɓadi uwo atsahao sifa za Ule amuv̄eleha, uwo wa kweli, kav̄u unafiki utsokao yotsi haheju.

YUHANI 8:50

Tsisudzitsashia utukufu, ɓadi v̄wa wangina autsahao, na waye ɗe anamuao.