MATIYO 7:22 - Ha`bari Ndjema ya I Maore

²² iSuku ya Hukuma, watru wengi watsoniambia: ‹Raɓi, Raɓi, afa ha lidzina laho, karajudza marongozi rakoshukidziwawo mwa? Na ha lidzina laho tsi ɗe ratradza mazetwani, na utsimidza trongo nyengi za midjuza?›

MATIYO 7:22 ပူးပေါင်းရင်းမြစ်များ

MATIYO 10:15

Nisumuambiani ha kweli, isuku ya hukuma, ihukuma ya malago ya Suduma na Gomora itsostahamilishiha rahana ya liɗago lile.»

MATIYO 24:36

«Ɓadi yahusu isuku na isa, kav̄usi ata mutru aijuao, tsi ɗe zimalayika za mbinguni, wala tsi ɗe uMwana, ɓadi ɗe Ɓaɓa weke wahe.

MATIYO 25:11

Mwisoni wanahirimu watruwashe wasalia wale wawaswili, warongoa: ‹Mutukufu, Mutukufu, riɓuliye!›

MATIYO 7:21

«Tsi ɗe piya wanihirao: ‹*Raɓi, Raɓi› ɗe watsongiao hari mwa Utawalizi wa Monyewe ziMbingu, ɓadi ɗe uwo tu afanyao yamav̄endzeleo ya Ɓaɓangu alio pev̄oni.

LUKASI 10:12

Nisumujudzani amba iSuku iyo, ziv̄ondra za Suduma zitsostahamilishiha raha na za liɗago lilo.»

YUHANI 11:51

Na v̄ale karongoa trongo iyo ha iwaye yahe, ɓadi ɗe iv̄o aka uMuɓole wa yaMatolezi-Masadaka mwaha ule, akorongoa shi mutrume amba Insa akojofa ha ufayidisha inishani,

1 MATESALONIKA 5:4

Ɓadi wanyu, wananya wa shi uaminifu, kamusi hari mwa shidza amba isuku iyo imuhiliɓuni mauri mwidzi.

2 MATESALONIKA 1:10

wakati isuku iyo atsojao atukuziwe ha watwaharifu wahe, na usifiwa ha piya wao itsokao amba waamini. Na wanyu wajau mutsoka, mana muamini ushahidifu watru.

2 TIMUTAUSU 1:12

Na iyo ɗe imana ata niparwao na maondo yanu, ɓadi tsisuyaonea haya, mana nisujua uwo namuamini, tsena tsina yakini amba ana ushindzi wa usika iyo nadhwaminishiwayo ata mupaka Suku iyo.

2 TIMUTAUSU 1:18

Raɓi namudjaãliye upara urehema ha Mola iSuku iyo. Wawe-wawe usujua ha uzuri kiasi anirumishia Efeso.

2 TIMUTAUSU 4:8

Rangu v̄anu tsihetsiwa ihishima ya muhakisho mbeli za Mungu. Raɓi, hakimu wa haki, atsoniv̄ayo iSuku iyo; wala tsi wami tu, ɓadi wajau na piya wao wakolindra v̄umoja na huɓa muv̄enulio wahe.