MATIYO 7:15 - Ha`bari Ndjema ya I Maore

¹⁵ «Namudzifahamishe na watru wa trambo wadzifanyao amba washukidziwa marongozi; wao umujiliani ha sura za maɓariɓari matrulivu, ɓadi moni hawo, wao wahali mauri mbwa nyeha.

MATIYO 7:15 ပူးပေါင်းရင်းမြစ်များ

MATIYO 10:17

Namudzifahamishe na wanadamu, mana watsomuv̄elehani mbeli za mahakama, na umuv̄ondrani moni na ziNyumba za Uswali zawo.

MATIYO 16:11

Manatrini kamusuelewa amba tsi yahusu madipe ɗe nakomuambianiyo? Ɓadi namudzifahamishe na ilalive ya Mafarisayo na ya Masadukayo.»

MATIYO 16:6

Insa awaambia: «Namudzifahamishe, tsena mutahadhari ilalive ya Mafarisayo na ya Masadukayo.»

MATIYO 24:11

V̄utsohima wanafiki wengi watsodzifanyao amba washukidziwa marongozi, amwesa watsodanganya watru wengi.

MATIYO 7:14

Ɓadi mutsala ɗe umulongo, na ndzisongefu ɗe indzia iv̄ingao hari mwa uhayati, tsena washashi ɗe wauparao.»

LUKASI 12:15

Amwesa awaambia piyawo: «Namufahamu, mudzitahadharishe na kula uv̄endzopara, mana uhayati wa mwanadamu kaulawana na uwengi wa imali yahe.»

LUKASI 6:26

Maondo ha wanyu neka piya watru wasumusifuni, mana ɗe ha inamuna iyo ɗe wadzaɗe wawo wakofanyia yimitrume ya trambo.»

YUHANI 10:12

Ɓadi mutru aadjiriwa amba waye tsi mutsunga, wala tsi monyewe maɓariɓari yale, amoona amba mbwa nyeha isuja, waye ulisha yamaɓariɓari, ne atrale; na imbwa nyeha uyangilia, na uyatsambadza.

MAV̄INGIZI-RISALA 13:40

Ɓasi ha izo, namudzitahadharishe mwasuparwe na itrongo ini yarongolwa na yimitrume:

MAV̄INGIZI-RISALA 13:6

Amwesa, wazingidza piya ishisiwa ata ɗagoni Pafusu. Oho, wapara Muyahudi mugangi akohiriwa Ɓar-Insa, akodzifanya amba mutru akoshukidziwa marongozi ayajudze.

MAGALATWIYA 2:4

Piya zile ha siɓaɓu ya watru wadzifanyao wananya wa shi uaminifu wadziseledza hari mwa wasi, ile watunde unafasi rilionawo hari mwa uv̄umoja watru na Kristi-Insa|Kristi, pare warifanye warumwa.

MAEFESO 4:14

Ha izo, karitsoka tsena wanatsa wav̄ingwao na maji, watangisiwao na kula pev̄o ya musomo, wapotezewao ha udjandja na yimipango ya unafiki ya wanadamu.

MAEFESO 5:6

V̄usuke ata mutru amudanganyani ha marongozi kayana mana, mana ɗe ha siɓaɓu ya izo, ɗe hadhaɓu ya Mungu ijiliao watru kawasumutuĩ.

MAFILIPI 3:2

Namuke hashiri na wao wadziv̄ingao mauri mbwa, namuke hashiri na warendrezi-mbovu wao, namuke hashiri na wakatrizi-mwili wao.

MAKOLOSIYA 2:8

Namufahamu amba v̄wasuke mutru amufanyiani shambwe ha ndzia ya misomo ya ziãkili za shiuɓinadamu ndzidangamanyifu, tsena truv̄u, yilawanao na zimila za shiuɓinadamu, na zitru za ãswili za ulemengu, ɓadi tsi ha Kristi.

2 TIMUTAUSU 3:13

Ɓadi waovu na wanafiki watsendra ha uzidishiha na uovu, ha wao upoteza wasalia na udzipoteza wao wenyewe.

2 TIMUTAUSU 4:3

Mana v̄utsoja wakati amba watru kawatsostahamili uvulishia musomo mwema. Ɓadi ha ushauku wa ukia izo ziwawao makio yawo, watsodziparia wengi wa mafundi.

2 MONYE 3:17

Ɓasi wav̄endzewa wangu, iv̄o madza mujuao trongo zizo rangu kaɓula, namuke hashiri mwasudzilishe mwav̄ingwa ha upotevu wa waovu, mwaja mwalatsishiwa na yakini hodari yanyu.

1 YUHANI 4:1

Wav̄endzewa wangu, mwasuamini kula roho, ɓadi namutunde ziroho, ile mujuwe neka za shi Mungu, mana v̄uenea ulemenguni wengi wadzifanyao amba wasujudza marongozi ya shi mutrume washukidziwa.

YUDA 1:4

Mana v̄udziseledza hari mwanyu ɓaãdhwi ya watru walio amba hukuma yawo iangihwa rangu kaɓula. Wao wakufuru wagaudzao urehema wa Mungu watru ha uufanya shisa ya taɓia mbovu, na umuhara Insa-Kristi, alio weke wahe Fundi watru amma Raɓi.

MUV̄ENULIO 16:13

Amwesa tsiono v̄ulawa hanyoni ha ishinyama ɓole mufano wa vwayi ile, na hanyoni ha ishinyama mbovu, na hanyoni ha umutrume wa trambo, madjini maovu mararu yakofana na ziwatrotro.

MUV̄ENULIO 17:6

Tsiono mutrumushe ule amba alewe ha idamu ya watwaharifu na idamu ya mazahidi wa Insa. Umuona yangu, tsiremwa na ushangavu muɓole.

MUV̄ENULIO 19:20

iShinyama mbovu isikwa, na v̄umoja na wiyo ule akodzifanya amba ashukidziwa marongozi ya shi mutrume, ule alio amba akotsimidza mbeli zayo ãlama za midjuza zilio amba ha wizo akodanganya wale waka wapara iãlama ya ishinyama mbovu, tsena wakoãɓudu lisanamwe layo. Wao waili wavutswa na ziroho zawo moni na dzaha la moro v̄uvuao vu la shidzaha.

MUV̄ENULIO 20:10

Na Iɓilisa akowadanganya ne avutswa moni na lidzaha la moro na vu la shidzaha, v̄ahanu ishinyama mbovu na umushukidziwa-marongozi wa trambo walio. Watsotreswa uku na mutsana ha daima.