MATIYO 7:14 - Ha`bari Ndjema ya I Maore

¹⁴ Ɓadi mutsala ɗe umulongo, na ndzisongefu ɗe indzia iv̄ingao hari mwa uhayati, tsena washashi ɗe wauparao.»

MATIYO 7:14 ပူးပေါင်းရင်းမြစ်များ

MATIYO 20:16

Ha izo, wa mwiso watsoka wa handra, na wa handra, watsoka wa mwiso.»

MATIYO 22:14

Mana wengi ɗe wahiriwao, ɓadi washashi ɗe watsahuliwao.»

MATIYO 7:13

«Namungiye ha uv̄ira hari mwa umulongo mutsala; mana muv̄ana ɗe umulongo, tsena nafasi ɗe indzia iv̄ingao hari mwa uangamifu, na wengi ɗe wav̄irao hari mwawo.

MATIYO 7:15

«Namudzifahamishe na watru wa trambo wadzifanyao amba washukidziwa marongozi; wao umujiliani ha sura za maɓariɓari matrulivu, ɓadi moni hawo, wao wahali mauri mbwa nyeha.

MARKUSI 8:34

Amwesa Insa ahiri idunia yaka v̄ale, v̄umoja na maswihaɓa yahe, awaambia: «Neka mutru asutsaha aniɗunge, nadziɗelese iwaye yahe, adzitrihise umuri wa pawa wahe, iv̄o aniɗunge.

LUKASI 12:32

«Usuriye mwana ɓangwe, mana Ɓaɓanyu aono ndjema amuv̄eni uUtawalizi.

YUHANI 16:2

Mutsoɓalidziwa ziNyumba za Uswali. Na v̄usuja wakati amba yotsi atsomuulanio, atsofikiri amba asumurumishia Mungu.

YUHANI 16:33

«Tsimuambiani trongo izo, ile pare mukane utrulivu wa roho hari mwa uv̄umoja wanyu na wami. Mutsoka hari mwa usongefu ulemenguni v̄anu, ɓadi namudzitriye ɓari! Wami madza tsishindri ulemengu.»

MAV̄INGIZI-RISALA 14:22

Wahodarisha iroho ya maswihaɓa, uwatria ɓari wasike uaminifu wawo na uwaambia: «Irilazimu riv̄iriye taãɓu nyengi iv̄o ringiye hari mwa uUtawalizi wa Mungu.»

MAROMU 12:2

Musudzilinganise na ulemengu wa leo, ɓadi namudzilishe mugaudziwe ãkili yanyu ike pia, ile mushindre mujuwe yamav̄endzeleo ya Mungu, ne ɗe izo zilio ndjema zimujiv̄iao, tsena zarahara.

MAROMU 9:32

Manatrini? Mana wakouzunguha, tsi ulawana na uaminifu, ɓadi mauri wakoja ha ndzia ya zizitrendro. Wakwala hari mwa liɓwe likwalisao.