MATIYO 7:13 - Ha`bari Ndjema ya I Maore

¹³ «Namungiye ha uv̄ira hari mwa umulongo mutsala; mana muv̄ana ɗe umulongo, tsena nafasi ɗe indzia iv̄ingao hari mwa uangamifu, na wengi ɗe wav̄irao hari mwawo.

MATIYO 7:13 ပူးပေါင်းရင်းမြစ်များ

MATIYO 23:13

«Maondo hanyuju, wanyu Mafundi ya Sharia na Mafarisayo, wanafiki! Mana musuɓalia wanadamu Utawalizi wa Monyewe ziMbingu; wanyu-wanyu kamusungia, wala kamusulisha wangia wao watsahao. [

MATIYO 25:41

Amwesa atsoambia wao watsokao potroni hahe: ‹Namuniɓaushiye v̄anu wanyu mwalaanwa! Namwendre hari mwa umoro ulio amba kauzimiha dahari watayarishiwa Iɓilisa na warumizi wahe!

MATIYO 25:46

Ɓas, wao watsendra hari mwa ãdhaɓu ya daimani aɓada, ɓadi warahara wale hari mwa uhayati mukamilifu wa daima.»

MATIYO 3:2

ha urongoa: «Namwendre toɓa, mana Utawalizi wa Monyewe ziMbingu, ukuruɓia.»

MATIYO 3:8

Ɓasi namutowe mavuna yaonesao amba kweli mwendre toɓa,

MATIYO 7:14

Ɓadi mutsala ɗe umulongo, na ndzisongefu ɗe indzia iv̄ingao hari mwa uhayati, tsena washashi ɗe wauparao.»

LUKASI 14:33

Ɓasi ha izo, yotsi hari mwanyu katsolisha piya izo alionazo, katsoshindra aka swihaɓa langu.»

LUKASI 9:33

Wakati watru wale wakomuɓaushia Insa, Monye amuambia: «Fundi, hairi iv̄o rilio v̄anu. Nariwahe maɓanga mararu, moja laho, moja la Musa, na moja la Eliya.» Ɓadi v̄ale kakojua itrongo akoirongoa.

YUHANI 10:9

Wami ɗe umulongo. Mutru angiao ha univ̄ira, uwo atsohuyiwa. Atsongia na ulawa, amwesa atsopara za uɗya.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

MAV̄INGIZI-RISALA 3:19

Ɓasi namwendre toɓa, muparane na Mungu, ile madhambi yanyu yazimwe,

MAROMU 9:22

Ɓasi neka Mungu utsaha yahe aonese hadhaɓu zahe na ujudza ushindzi wahe, astahamili ha suɓira ɓole ziya za hadhaɓu zatayarishiwa uangamifu?

2 MAKORINTIYO 4:4

wao walio amba kawasuamini. Ãkili zawo ziɓalwa matso na umutawalizi wa lidunia lini, ha namuna amba wasuone umuwalio wa iIndjili ya utukufu wa Kristi, alio umufano wa Mungu.

2 MAKORINTIYO 6:17

«Ha izo, namulawe hari mwawo, tsena mudzitenge, Mola ɗe arongoao. Musuɓambe iyo ilio nagisi, na wami nitsomurengani ha uzuri.»

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

MAFILIPI 3:19

uMwiso wawo ɗe uangamifu; mungu wawo ɗe mimba zawo, wao uv̄a utukufu ile iwapatsao aĩɓu, na fikira zawo za shiulemenguni.

1 YUHANI 5:19

Risujua amba wasi wa shi Mungu, na ulemengu kamili wa hari mwa ushindzi wa uMovu.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MUV̄ENULIO 13:8

Na piya wakazi wa shiv̄andreju mwa tsi watsoiãɓudu, wao walio amba madzina yawo kayaangihwa rangu uumuumbio wa lidunia hari mwa ishio ya uhayati ya uMwana Ɓariɓari aka atsindzwa.

MUV̄ENULIO 20:15

Mutru yotsi kaparihana amba aangihwa moni na ishio ya uhayati, avutswa moni na lidzaha la moro.

MUV̄ENULIO 20:3

Aivutsu Uzimu, auɓala, amwesa aufungu na utria muhuri uju mwaye, ile asudanganye tsena zinishani mupaka yimaha alifu yitsimidzihe. Ɓaanda ya v̄av̄o ilazimu ajeledzewe mwana muda.