MATIYO 6:9 - Ha`bari Ndjema ya I Maore

⁹ Ɓasi tsini inamuna mwalazimu mufanye mamilio: ‹Ɓaɓatru alio pev̄oni, dzina laho nalitwaharishihe,

MATIYO 6:9 ပူးပေါင်းရင်းမြစ်များ

MATIYO 10:29

Hali maveru maili kayaudziwa ha roɓo moja? Ne kav̄u ata moja hari mwao lipulihao v̄otsi ɓila Ɓaɓanyu ukuɓali.

MATIYO 23:9

Wala mwasuhire ata mutru shiv̄andreju mwa tsi v̄anu ‹ɓaɓa›, mana Ɓaɓanyu moja tu, ne ɗe uwo alio pev̄oni.

MATIYO 26:29

Nisumuambiani, tsitsonwa tsena mavuna ya muzaɓiɓu yanu, ata isuku nitsonwao yamav̄ia na wanyu, hari mwa Utawalizi wa Ɓaɓangu.»

MATIYO 26:42

Atsengelea mbeli mwanapav̄i tsena mara ya v̄ili, amia Mungu zini: «Ɓaɓangu, neka tsi trongo mukinishiha ya ishikombe ini uv̄ira mbali wala nasuinwe, v̄av̄o mav̄endzeleo yaho nayafanyishihe.»

MATIYO 5:16

Ɓasi ha inamuna iyo, iheu yanyu naiwale mbeli za wanadamu, pare waone zitrendro ndjema zanyu, wamutukuze Ɓaɓanyu Mungu alio mbinguni.»

MATIYO 5:48

Ɓasi namurahare, mauri ɗe Ɓaɓanyu mbinguni, alio amba arahara.»

MATIYO 6:14

Neka mususwamihi wanadamu mahosa yawo wamufanyiani, Ɓaɓanyu Mungu alio mbinguni atsomuswamihini wajau;

MATIYO 6:6

Ɓadi wawe, wamofanya mamilio, ngia fukoni haho, uɓale umulongo, umumiye Ɓaɓaho alio v̄av̄o ha siri; na waye Ɓaɓaho aonao sirini, atsohuliv̄ayo.

MATIYO 7:11

Neka wanyu mulio wa peu ujua uv̄a wana wanyu zitru ndjema, ha mara ngav̄i zaidi Ɓaɓanyu alio pev̄oni atsov̄ao ndjema ha wao wamumiaozo?

LUKASI 15:18

V̄av̄o nitsohima nendre ha ɓaɓangu namuambiye: «Ɓaɓangu, tsiãswi uwingu, na mbeli zaho.

LUKASI 15:21

Mwana ule amuambia: ‹Ɓaɓangu, tsiãswi uwingu, na mbeli zaho. Tsastahiki tsena uhiriwa amba mwana waho.›

LUKASI 2:14

«Natukuzihe Mungu hari mwa yimikaɓala ya uju rahana uju, na amani shiv̄andreju mwa tsi ha wao awav̄a fadhwila.»

YUHANI 20:17

Insa amuambia: «Usunisike, mana raha tsahea ha Ɓaɓangu. Ɓadi endra wapare wananyangu uwaambiye: ‹Nisuhea ha Ɓaɓangu, amma Ɓaɓanyu, ha Mungu wangu, amma Mungu wanyu.› »

MAROMU 1:7

Nisumuangishiani wanyu piyanyu mulio ɗagoni Romu, mulio wav̄endzewa wa Mungu, mwahiriwa muke watwaharifu. V̄av̄o ineema na utrulivu zilawao ha Ɓaɓatru Mungu na Raɓi watru Insa-Kristi nazimuendreleyeni.

MAROMU 8:15

Na Roho iyo mwav̄olwayo tsi ya umufanyani warumwa amba irudise hari mwa trisidzo; ɓadi muv̄olwa Roho imufanyaoni wana, na ha wiyo, risuhira: «Aɓɓa, Ɓaɓa!»

MAGALATWIYA 1:1

Wami Ɓaulusu, Muv̄ingizi-Risala, trongo kayalawa ha wanadamu, wala ha indzia ya mwanadamu, ɓadi ha Insa-Kristi|Insa na Mungu Ɓaɓa, amuregeza hayi ulawa ha uwafu,

MAGALATWIYA 4:6

Na ha iv̄o mulio wana, Mungu av̄eleha rohoni hatru iRoho ya uMwana wahe, ilio amba isurongoa ha nguvu: «Aɓɓa!» yaãni «Ɓaɓa!»

1 TIMUTAUSU 6:16

Waye weke alio amba kafu, Monyewe uketsi hari mwa nuru kaikuruɓishiha, alio amba kav̄u mutru aparomuona wala ashindrao amuone. Hishima na ushindzi kauna mwiso nazimuendreleye. Amina.

1 MONYE 1:17

Na neka musumumia Mungu ha umuhira Ɓaɓa, Monyewe uhukumu kula mutru na zitrendro zahe ɓila uv̄endzelea, ɓasi namudziv̄inge v̄umoja na trisidzo wakati raha mulio shiv̄andreju mwa tsi.

MUV̄ENULIO 4:11

«Ustahiki Mola, Mungu watru, upare utukufu, hishima, na ushindzi, mana wawe ɗe waumba piya, ɗe ha mav̄endzeleo yaho ɗe zilio, tsena zaumbwa.»

MUV̄ENULIO 5:12

Ha ji lendza nguvu wakorongoa: «uMwana Ɓariɓari aka atsindzwa astahiki apare ushindzi, utadjiri, hikima, nguvu, hishima, utukufu, na sifa!»