MATIYO 6:7 - Ha`bari Ndjema ya I Maore

⁷ Mwamofanya mamilio, musuengedze marongozi kayana mana mauri watru kawamuji Mungu, wadzifikiriao amba ha uwengi wa yamarongozi ɗe watsotakaɓaliwao.

MATIYO 6:7 ပူးပေါင်းရင်းမြစ်များ

MATIYO 18:17

Neka kakiri awav̄ulishia, judza iDjama Ndziwaminifu; na neka ahara uvulishia wajau iDjama Ndziwaminifu, v̄av̄o murenge mauri mutru kamuji Mungu, au muliv̄isa-latete.

MATIYO 26:39

Atsengelea mbeli mwanapav̄i, areme uuso v̄otsi, amwesa amia Mungu ha urongoa: «Ɓaɓangu, neka iyo trongo mukinishiha, ishikombe ya matreso ini iv̄ire mbali na wami; ɓadi tsi ɗe mav̄endzeleo yangu, ɓadi yaho.»

MATIYO 26:42

Atsengelea mbeli mwanapav̄i tsena mara ya v̄ili, amia Mungu zini: «Ɓaɓangu, neka tsi trongo mukinishiha ya ishikombe ini uv̄ira mbali wala nasuinwe, v̄av̄o mav̄endzeleo yaho nayafanyishihe.»

MATIYO 26:44

Awalishi raha, atsengelea mbeli mwanapav̄i, afanya mamilio ha mara ya raru ha urongoa ɗe wizo zile.

MATIYO 6:32

Mana piya trongo zizo, watru kawamuji Mungu ɗe wadzisongao nazo. Ɓaɓanyu alio pev̄oni asujua amba zimulazimuni.

MAV̄INGIZI-RISALA 19:34

Ɓadi ujua yawo amba ule Muyahudi, piyawo wakolatsa keme ha ji moja hari mwa mukaɓala wa sa mbili ha urongoa: «Muɓole ɗe Artimisa wa Maefeso!»