MATIYO 6:28 - Ha`bari Ndjema ya I Maore

²⁸ Na v̄anu, manatrini mudzitriao hamu na trongo ya nguo? Namufikiri namuna mafu ya shitsahani yameao: kayafanya hazi, wala kayasono.

MATIYO 6:28 ပူးပေါင်းရင်းမြစ်များ

MATIYO 10:10

Hari mwa umusafara wanyu, musuv̄inge mukoɓa, wala nguo ya ugaudza, wala kaɓwa, wala ɓankora. Mana mufanyizi-hazi ustahiki shahula yahe.

MATIYO 6:25

«Iyo ɗe imana nimuambiaoni, musudzitriye hamu na maẽsha yanyu na iyo mutsoiɗyao na mutsoinwao, wala na umwili wanyu na iyo mutsoipindrao. Maẽsha, yao tsi ɓorwa rahana shahula, na umwili rahana nguo?

MATIYO 6:27

Mbani hari mwanyu, ha ihamu yahe, ashindrao aengedze trundra moja hari mwa umuri wahe?

MATIYO 6:31

Ɓasi musudzitriye hamu, wala musudzidzise: ‹Ritsoɗya trini? Ritsonwa trini?› Au: ‹Ritsopindra trini?›

LUKASI 10:41

Ɓadi Raɓi amudjiɓu: «Marta mama, usudzitria hamu na udzidanganya iroho ha siɓaɓu ya trongo nyengi.

LUKASI 12:11

Wakati mutsov̄ingwao moni na Nyumba za Uswali, au mbeli za makizi-mbeli, au tsena mbeli za madhwamana, mwasushange na inamuna mutsodziwaniao, au na izo mutsozirongoao.

LUKASI 12:22

Ɓasi Insa aambia maswihaɓa yahe: «Iyo ɗe imana nimuambiaoni, musudzitriye hamu na maẽsha yanyu na iyo mutsoɗyao, wala umwili wanyu na iyo mutsopindrao.

LUKASI 12:27

Namuangaliye mafulera namuna yatsangao; yao kayafanya hazi, wala kayasono. Ɓadi nisumuambiani amba ata Sulaimana hari mwa piya utukufu wahe, ne kakopindrisiwa mauri moja hari mwao.

LUKASI 3:11

Awadjiɓu: «Monyewe ukana nguo mbili, naanyise na ule kasina ata hata, na uwo aliona shahula, nafanye namuna ɗe wiyo iyo.»

MAFILIPI 4:6

Musudzitriye hamu na itsokao yotsi, ɓadi hari mwa kula trongo, ha ĩɓada na mamilio v̄umoja na himida, namumujudze Mungu hadja zanyu.

1 MONYE 5:7

Namutsuwe piya taãɓu zanyu, mumulishiyezo, mana waye na utungu na wanyu.