MATIYO 6:27 - Ha`bari Ndjema ya I Maore

²⁷ Mbani hari mwanyu, ha ihamu yahe, ashindrao aengedze trundra moja hari mwa umuri wahe?

MATIYO 6:27 ပူးပေါင်းရင်းမြစ်များ

MATIYO 5:36

Wala usulav̄iye na ishitswa yaho, mana wawe kushindri ugaudza ata nyole moja amba ike ndjeu au ndziɗu.

MATIYO 6:25

«Iyo ɗe imana nimuambiaoni, musudzitriye hamu na maẽsha yanyu na iyo mutsoiɗyao na mutsoinwao, wala na umwili wanyu na iyo mutsoipindrao. Maẽsha, yao tsi ɓorwa rahana shahula, na umwili rahana nguo?

MATIYO 6:28

Na v̄anu, manatrini mudzitriao hamu na trongo ya nguo? Namufikiri namuna mafu ya shitsahani yameao: kayafanya hazi, wala kayasono.

MATIYO 6:31

Ɓasi musudzitriye hamu, wala musudzidzise: ‹Ritsoɗya trini? Ritsonwa trini?› Au: ‹Ritsopindra trini?›

MATIYO 6:34

Ɓasi musudzitriye hamu na imeso, mana imeso itsodzishahilisha wiyo monyewe. Kula suku utosheha na taãɓu zayo.»

LUKASI 10:41

Ɓadi Raɓi amudjiɓu: «Marta mama, usudzitria hamu na udzidanganya iroho ha siɓaɓu ya trongo nyengi.

LUKASI 12:11

Wakati mutsov̄ingwao moni na Nyumba za Uswali, au mbeli za makizi-mbeli, au tsena mbeli za madhwamana, mwasushange na inamuna mutsodziwaniao, au na izo mutsozirongoao.

LUKASI 12:22

Ɓasi Insa aambia maswihaɓa yahe: «Iyo ɗe imana nimuambiaoni, musudzitriye hamu na maẽsha yanyu na iyo mutsoɗyao, wala umwili wanyu na iyo mutsopindrao.

1 MAKORINTIYO 12:18

Ɓadi v̄anu, Mungu ahetsi ziziga moni na umwili, kula moja ha inamuna av̄endza.

MAFILIPI 4:6

Musudzitriye hamu na itsokao yotsi, ɓadi hari mwa kula trongo, ha ĩɓada na mamilio v̄umoja na himida, namumujudze Mungu hadja zanyu.

1 MONYE 5:7

Namutsuwe piya taãɓu zanyu, mumulishiyezo, mana waye na utungu na wanyu.