MATIYO 6:24 - Ha`bari Ndjema ya I Maore

²⁴ «Kav̄u mutru ashindrao arumishiye warumisa waili, mana au atsoenga umoja, av̄endze umoja, au atsodzifungamanisa na umoja, apuzise umoja. Kamushindri murumishia Mungu, mwarumishia na Mali.»

MATIYO 6:24 ပူးပေါင်းရင်းမြစ်များ

MATIYO 4:10

Sa ile Insa amuambia: «Lawa v̄anu Shetwani! Mana v̄uangihwa: ‹Utsomuãɓudu Mwalaho Monyezi Mungu, na umurumishia ɗe waye tu ɓas.› »

LUKASI 16:11

Ɓasi neka kamwaka waaminifu hari mwa zimali kazarahatsishiha za lidunia lini, mbani ɗe atsomudhwaminishaoni zile zilio za kweli?

LUKASI 16:13

Kav̄u murumizi ashindrao arumishe warumisa waili, mana au atsoenga umoja, av̄endze umoja, au atsofungana na umoja, umoja amuoneye. Kamushindri murumishia Mungu v̄umoja na mali.»

LUKASI 16:9

Ɓasi wami nisumuambiani, namudzifanyiye wandzani ha imali ya lidunia lini, ile pare zamomulawiani, murengwe hari mwa makao ya daima.

MAGALATWIYA 1:10

Ɓasi av̄asa, hali v̄anu nisutsaha muhakisho wa wanadamu, au wa Mungu? Hali nisutsaha nijiv̄idze wanadamu? Na djeli nakotsaha raha nijiv̄idze wanadamu, tsatsoka murumishi wa Kristi.

1 TIMUTAUSU 6:17

Sariɓia walio tadjiri wakati wa leo wasudzione, wala wasutriye itama yawo hari mwa ngutadjirifu zilio amba kaziaminishiha, ɓadi ɗe ha Mungu ariv̄ao piya ha uwengi, ile rifurahishihe.

2 TIMUTAUSU 4:10

Mana Demasu anipuka ha uv̄endza wa lidunia la leo, andre Tesalonika. Kresensi andre Galatwiya, na Titusa waye Dalmatiya.

YAKOƁU 4:4

Wanyu wazindzi halisi! Afa kamusujua amba uwandzani na lidunia, uwo uãduwi na Mungu? Ɓasi mutru atsahao ake mwandzani wa lidunia, waye asudzifanya ãduwi wa Mungu.