MATIYO 6:20 - Ha`bari Ndjema ya I Maore

²⁰ ɓadi namudzingulidziye utadjirifu pev̄oni, v̄ulio amba maɓiɓi na kutsu kaziangamidza, na waidzi kawavundzu, wala kawahiɓi.

MATIYO 6:20 ပူးပေါင်းရင်းမြစ်များ

MATIYO 19:21

Insa amudjiɓu: «Neka usutsaha ike amba urahara, endra waudze izo ulionazo, uv̄e ifaida zimasikini, na v̄av̄o utsokana utadjirifu mbinguni; amwesa uje uniɗunge.»

MATIYO 6:19

«Musudzingulidziye utadjirifu ulemenguni v̄anu, v̄ulio amba maɓiɓi na kutsu uangamidza, na waidzi uvundza na uhiɓa,

MARKUSI 10:21

Sa ile Insa amuangalia ha mahaɓa, amuambia: «V̄uhuɓakia trongo moja: endra waudze piya ulionazo, uv̄e zimasikini zifaida, v̄av̄o utsokana utadjirifu pev̄oni; amwesa uje uniɗunge!»

LUKASI 12:33

Namuudze mali zanyu, zifaida muzitowe zaka. Namudzifanyiye mifuko ya marike kayikomoha, utadjirifu kaushashiha pev̄oni v̄ahanu mwidzi kav̄ukuruɓia, wala ɓiɓi kalimenye.

LUKASI 18:22

Insa wakati akia trongo zile, amuambia: «V̄uhuɓakia tsena trongo moja: udza piya izo ulionazo, uanisiye zimasikini, na v̄av̄o utsokana utadjirifu pev̄oni. Amwesa uje uniɗunge.»

1 TIMUTAUSU 6:17

Sariɓia walio tadjiri wakati wa leo wasudzione, wala wasutriye itama yawo hari mwa ngutadjirifu zilio amba kaziaminishiha, ɓadi ɗe ha Mungu ariv̄ao piya ha uwengi, ile rifurahishihe.

1 TIMUTAUSU 6:19

Ha izo, watsodzihetsia dafine ndjema tsena hodari ya wakati ujao, ile wapare uhayati ulio amba wa kweli.

MAHEƁRANIYA 10:34

Kweli amba muono utungu v̄umoja na wao waka wafungwa, tsena ha furaha mukuɓali muv̄oshewe ndjema zanyu, iv̄o mwakojua amba muna utadjirifu wazidi utsokao dahari.

MAHEƁRANIYA 11:26

Akoona amba udhilifu ha siɓaɓu ya Kristi, uwo utadjirifu rahana piya zidafine za Miswiri, mana akoangalia ɗe ithawaɓu yakoja.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

1 MONYE 1:4

mwaratha tsi muangamivu, ɓila pandra, wala unyaivu, mwalishiwawo pev̄oni,

1 MONYE 5:4

Na wakati uMutsunga Muɓole atsov̄enuao, mutsopara ihishima yendza utukufu kaimenyeha.

MUV̄ENULIO 2:9

Nisujua matreso yaho na usikini waho, wala ukana amba wawe tadjiri. Tsena nisujua zinaĩ urongolwaozo na wao wadzihirao Mayahudi wala kawasi, ɓadi walio djama iãɓuduo Shetwani.