MATIYO 5:45 - Ha`bari Ndjema ya I Maore

⁴⁵ ile muke wana wa Ɓaɓanyu Mungu alio mbinguni; mana waye uwalisa lijua lahe ha watru wa peu, na watru wema, na unyesa vua ha wendza imani, na wale tsi wendza imani.

MATIYO 5:45 ပူးပေါင်းရင်းမြစ်များ

MATIYO 5:9

Furaha ha wao watriao amani, mana watsohiriwa wana wa Mungu.

LUKASI 6:35

Ɓadi namuv̄endze maãduwi yanyu, namurendre zema, mwazime, ɓila utumainia ata shitru. Na thawaɓu yanyu itsoka ɓole, tsena mutsoka wana wa Monyewe Uju rahana Uju; mana waye mwema ha wao kawamuhimidia, na ha waovu.

YUHANI 13:35

Ini ɗe inamuna wanadamu piya watsojuao amba wanyu maswihaɓa yangu: neka muna mahaɓa wanyu na wanyu.»

MAV̄INGIZI-RISALA 14:17

Ɓadi kula namuna kakozia umuv̄enuliani iwaye yahe ha uwema aufanyao, amuv̄elesheani zivua ulawa mbinguni na mavuna ha uwakati wawo, amwesa waye umudjaãliani zahula ha uwengi, na umujadziani ziroho zanyu na furaha.»

MAEFESO 5:1

V̄av̄o namuke watiɓizi wa Mungu, iv̄o mulio wana wav̄endzewa wahe.

MAFILIPI 2:15

ile musuparihane na tuhuma, ɓadi muke watru warahara, wana wa Mungu kawasina pandra mbeli za lidunia ɓovu dziãswifu lini, lilio amba moni halo musuwala mauri mwenge hari mwa ulemengu,

1 YUHANI 3:9

Mutru yotsi adzalishiha shi Mungu waye kaãswi, mana ihali ya Mungu uɓaki moni hahe. Kashindri uãswi iv̄o adzalishiha shi Mungu.