MATIYO 5:29 - Ha`bari Ndjema ya I Maore

²⁹ Neka dzitso la hume laho litsongesa upulihe hari mwa dhambi, livoɓowe, ulilatse mbali na wawe, mana iyo ɓorwa hahoju ulatsishiwe na shiga moja, rahana umwili waho mukamili utrilwa moni na umoro wa Djahanama.

MATIYO 5:29 ပူးပေါင်းရင်းမြစ်များ

MATIYO 10:28

Musuriye wao waulao mwili, wala kawashindri uula roho. Mutru alazimu mumuriye, ɗe uwo ashindrao aangamidze iroho na umwili moni na umoro wa Djahanama.

MATIYO 11:6

Aɓarikishiha uwo tsarendresheha siɓaɓu ya taradudu na uaminifu wahe.»

MATIYO 16:26

Mana tanafu trini mutru atsoiparao neka apara lidunia kamili, ne apoteza iroho yahe? Au mutru atsotoa trini ɓadala ya iroho yahe?

MATIYO 17:27

Ɓadi pare rasutukize watru, shuka ɓaharini, wavutse imisi yaho, ulowe ifi ya handra itsojao; iɓuwe ihanyo, utsopara turuturu ya fedha moni; uirenge wendre wawav̄eyo, ike ushuru wangu na waho.»

MATIYO 19:12

Mana v̄wa ɓaãdhwi amba kawashindri ulola, ha inamuna yawo wadzalwa; v̄wa kawashindri ulola ha siɓaɓu ya shitrendro wanadamu wawafanyia; ɓaãdhwi iv̄o, wadzifanya wao wenyewe amba kawasulola, ha siɓaɓu ya Utawalizi wa Monyewe ziMbingu. Mutru ashindrao aɗunge trongo iyo, naiɗunge.»

MATIYO 23:15

Maondo hanyuju, wanyu Mafundi ya Sharia na Mafarisayo, wanafiki! Mana wanyu uendra mbio shiv̄andreju mwa tsi na ɓaharini, ile mupare wala ukana mutru moja aɗunge dini yanyu. Ata mwamomupara, wanyu umufanya mutru wa moro wa Djahanama mara mbili zaidi ya wanyu.

MATIYO 23:33

Wanyu nyoha, kaɓila yendza sumu! Namuna jeje mutsoshindrao mutrale ishifungo ya umoro wa Djahanama?

MATIYO 5:22

Ɓadi wami nisumujudzani amba mutru yotsi atsojaliao hasera munyahe, alazimu ahukumulwe; na mutru yotsi atsomuambiao munyahe amba waye mupuzi, atsov̄itswa mahakama mbeli za uMungulidzano wa Waɓole|Mungulidzano wa Waɓole; na uwo atsomuambiao munyahe amba waye gedze, atsostahiki mahakama ya umoro wa Djahanama.

MATIYO 5:30

Na neka muhono wa hume waho utsongesa upulihe hari mwa dhambi, ukutruwe, uuvutse mbali na wawe, mana iyo ɓorwa hahoju ulatsishiwe na shiga moja, rahana umwili waho mukamili utrilwa moni na umoro wa Djahanama.»

MARKUSI 8:36

Mana tanafu trini mutru atsoiparao neka apara lidunia kamili, ne apoteza iroho yahe?

LUKASI 12:5

Ɓadi nitsomueledzani uwo mwalazimu mumuriye: namuriye uwo alio amba ɓaanda aula, ana ushindzi wa uvutsa mutru moni na umoro wa Djahanama. Ha kweli nisumuambiani, uwo ɗe mwalazimu mumuriye!

MAROMU 6:6

Risujua amba utru watru wa ãswili uremwa mizumari v̄umoja na waye hari mwa umuri wa pawa, ile itaɓia ndziãswifu yatru iangamidziwe, rasuke tsena warumwa wa dhambi.

MAROMU 8:13

Mana neka musuẽshi ha uɗunga ihali ya shiuɓinadamu, mutsofa; ɓadi neka ha iRoho musuula zitaɓia za mwili, v̄av̄o ɓasi mutsoẽshi,

1 MAKORINTIYO 9:27

Ha kinyume nisuruma mangavu umwili wangu, nisuufanya amba murumwa, ile ɓaanda naĩdhia wasalia, isuke amba tsiharaliwa.

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

MAKOLOSIYA 3:5

Ɓasi namuule zitrongo za itaɓia ya shiduniani mulionayo, mauri: uzani, utshafi, taɓia za shahawa, ngushauku mbovu na uv̄endza-upara, ilio sawa na uãɓudu masanamwe.