MATIYO 5:15 - Ha`bari Ndjema ya I Maore

¹⁵ Tsena, mutru kapatsa kombe amba lifinikiwe garando, ɓadi lilo utrilwa hari mwa shihetsi-kombe, pare liwunishiye piya wao walio moni na inyumba.

MATIYO 5:15 ပူးပေါင်းရင်းမြစ်များ

MARKUSI 4:21

Wakati ule Insa awaambia raha: «Hali mutru amov̄inga kombe la upatsa, waye ulitria utsini na garando, au vuvuni na shitrandra? Hali kalitrilwa hari mwa shihetsi-kombe?

LUKASI 11:33

«Kav̄u mutru apatsao kombe, alitriao v̄ahanu v̄wadzama, au alifinikiao shiya, ɓadi lilo utrilwa hari mwa shihetsi-kombe, ile wao wangiao, waone heu.

LUKASI 11:36

Ɓasi neka amba piya umwili waho wa hari mwa heu, amba kav̄u kutru lilio hari mwa shidza, v̄av̄o piyawo utsooneshewa, mauri ɗe iheli kombe lihuonesheao ha iheu yalo.»

LUKASI 8:16

«Kav̄usi ata mutru ɓaanda apatsa kombe, alifinikiao shiya, au alitriao vuvuni mwa shitrandra, ɓadi waye ulitria hari mwa shihetsi-kombe, ile pare wale wangiao, waone heu.

MAFILIPI 2:15

ile musuparihane na tuhuma, ɓadi muke watru warahara, wana wa Mungu kawasina pandra mbeli za lidunia ɓovu dziãswifu lini, lilio amba moni halo musuwala mauri mwenge hari mwa ulemengu,

MAHEƁRANIYA 9:2

Kweli amba v̄uka v̄uundrwa Nyumba Ndzitwaharifu ya Haima. Moni na lifuko la handra layo lakohirwa Pa Dzitwaharifu, v̄uka ishihetsi-kombe, imeza, na yamadipe yatamaniwa Mungu.

MUV̄ENULIO 2:5

Ɓasi nahana uka yaho kaɓula ya upuliha. Endra toɓa, urudi hari mwa zitrendro za handra zaho. Neka tsi namuna iyo nitsohujilia, tsena nitsotoa shihetsi-kombe yaho ɓandzaju hayo, ɓadi neka wendre toɓa.